ദുർമന്ത്രവാദത്തിന്റെ പേരിൽ ഭർതൃ വീട്ടുകാർ ഉപദ്രവിക്കുന്നുവെന്ന് നടി ദിവ്യ;മകളുടെ ദേഹത്തും ഓരോന്ന് പരീക്ഷിക്കും,

വിവാഹം കഴിഞ്ഞിട്ട് ആറ് വർഷമായി. ഈ കഴിഞ്ഞ ആറ് വർഷമായി ദുർമന്ത്രവാദത്തിന്റെയും അനാചാരത്തിന്റെയും കാര്യം പറഞ്ഞ് ദിവസവും പ്രശ്‌നങ്ങളാണ്. ഒരു വിധത്തിലും ജീവിക്കാൻ പറ്റുന്നില്ല. തന്നെയും മകളെയും ഇതിനായി നിർബന്ധിക്കുകയും വഴങ്ങിയില്ലെങ്കിൽ ഉപദ്രവിക്കുകയും ചെയ്യും. പിന്നെ പൂജ ചെയ്ത സാധനങ്ങൾ ഓരോന്ന് കഴിക്കാൻ തരും. മോളുടെ ദേഹത്തും ഓരോന്ന് പരീക്ഷിക്കാനും ഓരോ സ്ഥലത്ത് പൂജയ്‌ക്ക് കൊണ്ടുപോകാനും തുടങ്ങി.

ദുർമന്ത്രവാദത്തിന്റെ പേരിൽ ഭർത്താവ് ഉപദ്രവിക്കുന്നതായി സീരിയൽ നടി ദിവ്യ. സ്ത്രീധനം നൽകാത്തതിനാൽ തന്നെ അന്ധവിശ്വാസം മറയാക്കി ഭർത്താവ് പീഡിപ്പിക്കുകയാണ് എന്നാണ് ദിവ്യയുടെ ആരോപണം. 24 ന്യൂസിനോടാണ് താരം പ്രതികരിച്ചിരിക്കുന്നത്. വെള്ളായണി സ്വദേശിയായ ഭർത്താവ് അരുളിനും കുടുംബത്തിനും എതിരെയാണ് ദിവ്യ രംഗത്തെത്തിയിരിക്കുന്നത്.

ഇതോടെ ഭർത്താവുമായി താൻ വിട്ട് നിൽക്കുകയാണ്. ഭർതൃ വീട്ടുകാർക്ക് തന്നെയും മകളെയും എങ്ങനെയെങ്കിലും ഭർത്താവിന്റെ അടുത്ത് നിന്ന് വേർപ്പെടുത്തണം എന്നാണ്. ഭർത്താവിന്റെ ദോഷം മാറാനാണെന്ന് പറഞ്ഞ് വിവാഹ മോചനം ആവശ്യപ്പെട്ടെന്നും താരം വ്യക്തമാക്കി.

ഭർത്താവിന്റെ അച്ഛൻ ജ്യോത്സനാണ്. ദോഷം മാറാനെന്ന് പറഞ്ഞ് ഇദ്ദേഹം നിരന്തരം ദുർമന്ത്രവാദത്തിന് ഇരയാക്കുന്നുണ്ട്. ഇതിന് വഴങ്ങിയില്ലെങ്കിൽ ശാരീരികമായി ഉപദ്രവിക്കുന്നുണ്ടെന്നും താരം പറഞ്ഞു. സംഭവത്തിൽ പോലീസിനും മനുഷ്യാവകാശ കമ്മീഷനും പരാതി നൽകാനൊരുങ്ങുകയാണ് താരം.