ഹൈദരാബാദ്: തെലങ്കാനയില്‍ കോണ്‍ഗ്രസും ബിആര്‍എസും തമ്മില്‍ രഹസ്യധാരണയെന്ന് കേന്ദ്ര ആഭ്യന്തരമന്ത്രി അമിത് ഷാ. കെസിആര്‍ അധികാരത്തിലെത്തിയാല്‍ കോണ്‍ഗ്രസ് എംഎല്‍എമാര്‍ ബിആര്‍എസിലേയക്ക് പോകും. കെ. ചന്ദ്രശേഖര്‍ റാവുവിനെ വീണ്ടും മുഖ്യമന്ത്രിയാക്കാന്‍ ബിആര്‍എസും കോണ്‍ഗ്രസും തമ്മില്‍ ധാരണ ഉണ്ടാക്കിയിട്ടുണ്ടെന്നും അമിത് ഷാ ആരോപിച്ചു. തെലങ്കാനയിലെ മക്തലില്‍ തെരഞ്ഞെടുപ്പ് റാലിയെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
കോണ്‍ഗ്രസ് തെലങ്കാനയില്‍ കെസിആറിനെ മുഖ്യമന്ത്രിയാക്കും, കെസിആര്‍ രാഹുല്‍ ഗാന്ധിയെ പ്രധാനമന്ത്രിയുമാക്കും എന്നതാണ് ഇരു കൂട്ടരുടെയും അജണ്ട. സംസ്ഥാനത്ത് ബിജെപി അധികാരത്തിലെത്തണം. അത് മാത്രമാണ് കെസിആറിനെ അധികാരത്തില്‍ നിന്ന് പുറത്താക്കുന്നതിന് ജനങ്ങള്‍ക്ക് മുന്നിലുള്ള ഏകവഴി.
കോണ്‍ഗ്രസ് എംഎല്‍എമാര്‍ ചൈനീസ് സാധനങ്ങള്‍ പോലെയാണ്. ഒരു ഗ്യാരന്‍ിയുമില്ല. അവര്‍ എപ്പോള്‍ വേണമെങ്കിലും ബിആര്‍എസിലേക്ക് പോകും. സംസ്ഥാനത്ത് ബിജെപി അധികാരത്തിലെത്തിയാല്‍ പിന്നാക്ക വിഭാഗത്തിലെ ജനങ്ങളുടെ ക്ഷേമം ഉറപ്പുവരുത്തും, അമിത് ഷാ പറഞ്ഞു.
പ്രതികരിക്കാൻ ഇവിടെ എഴുതുക: