തിരുവനന്തപുരം: ഓസ്‌ട്രേലിയക്ക് എതിരായ രണ്ടാം ടി20യില്‍ ആദ്യം ബാറ്റ് ചെയ്ത ഇന്ത്യക്ക് കൂറ്റന്‍ സ്‌കോര്‍.ഇരുപത് ഓവറില്‍ നാല് വിക്കറ്റ് നഷ്ടത്തില്‍ 235 റണ്‍സ് നേടി.
ഓപ്പണര്‍ യശസ്വി ജയ്‌സ്വാള്‍ പവര്‍ പ്ലേയില്‍ തന്നെ അര്‍ധ സെഞ്ച്വറിയില്‍ എത്തി .25 പന്തില്‍ നിന്ന് 53 റണ്‍സ് അടിച്ചെടുത്തു.ഒമ്പത് ഫോറും രണ്ട് സിക്‌സും അടക്കമായിരുന്നു ജയ്‌സ്വാളിന്റെ ഇന്നിംഗ്‌സ്.
വണ്‍ ഡൗണ്‍ ഇഷാന്‍ കിഷന്‍ 32 പന്തില്‍ നിന്ന് 52 റണ്‍സ് എടുത്തു. നാല് സിക്‌സും മൂന്ന് ബൗണ്ടറിയും ഇഷാന്‍ കിഷന്‍ നേടി. റുതുരാജ് 43 പന്തില്‍ നിന്ന് 58 റണ്‍സ് നേടി.
സൂര്യകുമാര്‍ യാദവ് 10 പന്തില്‍ 19 റണ്‍സും റിങ്കു സിംഗ് 9 പന്തില്‍ 31 റണ്‍സുമെടുത്തു. 19ാം ഓവറില്‍ റിങ്കു, അബോടിന്റെ ഓവറില്‍ 25 റണ്ണാണ് അടിച്ചു കൂട്ടിയത്.
പ്രതികരിക്കാൻ ഇവിടെ എഴുതുക: