ന്യൂദല്‍ഹി: പ്രശസ്ത ഇന്‍ഡസ്ട്രിയല്‍ ട്രെയിനിങ് സ്ഥാപനമായ എഐഎംആര്‍ഐയ്‌ക്ക് ‘സ്‌ക്കോച്ച് ഓര്‍ഡര്‍ ഓഫ് മെറിറ്റ്’ എന്ന ബഹുമതി ലഭിച്ചു. നവംബര്‍ 18 ന്യൂദല്‍ഹിയിലെ കോണ്‍സ്റ്റിറ്റിയൂഷന്‍ ക്ലബ് ഓഫ് ഇന്ത്യയുടെ അനെക്‌സ് ഹാളില്‍ നടന്നചടങ്ങില്‍ വച്ചാണ് ഈ ഉന്നത ബഹുമതി ലഭിച്ചത്. എഐഎംആര്‍ഐ വര്‍ഷങ്ങളായി നല്‍കിവരുന്ന മികച്ച ഇന്‍ഡസ്ട്രിയല്‍ മാരിടൈം സ്‌കില്‍ ട്രെയിനിംഗിന്റെ ഗുണമേന്മ കണക്കിലെടുത്താണ് ഈ പുരസ്‌കാരം ലഭ്യമായത്. സ്‌കോച്ച് ഗ്രൂപ്പാണ് ഈ പുരസ്‌കാരമേള സംഘടിപ്പിച്ചത്. ഭാരതത്തിലെ ‘ഹോണസ്റ്റ് ഇന്‍ഡിപെന്‍ഡന്റ് ബഹുമതി’ ആണ് സ്‌കോച്ച് പുരസ്‌കാരങ്ങള്‍. നിരവധി നടപടിക്രമങ്ങള്‍ക്കും വിലയിരുത്തലുകള്‍ക്കും ശേഷം മാത്രമാണ് പുരസ്‌കാര വിജയികളെ ഈ ബഹുമതിക്കായിതെരഞ്ഞെടുക്കുന്നത്. ചടങ്ങില്‍ ഏരീസ് ഗ്രൂപ്പിന്റെ എക്‌സിക്യൂട്ടീവ് ഡയറക്ടര്‍ ജോസിബായ് എസ്.കെ. യാണ് പുരസ്‌കാരം ഏറ്റുവാങ്ങിയത്.
യുഎഇയിലെ ഷാര്‍ജ ആസ്ഥാനമായ എഐഎംആര്‍ഐയ്‌ക്ക് കൊച്ചിയില്‍ മേഖലാ ആസ്ഥാനമുണ്ട്. സ്ഥാപനത്തില്‍നിന്ന് ബിരുദമെടുത്ത എണ്ണൂറോളം ഉദ്യോഗാര്‍ത്ഥികള്‍ ഇന്ന് ലോകത്തെ വിവിധ പ്രമുഖ കമ്പനികളിലായി ജോലിനോക്കുന്നു.
അനുയോജ്യമായഅന്തരീക്ഷം, ആധുനികസൗകര്യങ്ങള്‍, ഉന്നതനിലവാരമുള്ള ഫാക്കല്‍റ്റികള്‍, ഇന്‍ഡസ്ട്രിയല്‍ മേഖലയിലേക്കുള്ള മികച്ച എക്‌സ്‌പോഷര്‍ എന്നിവയിലൂടെ ഉദ്യോഗാര്‍ത്ഥികള്‍ക്ക് അവരുടെ കഴിവുകള്‍ തേച്ചുമിനുക്കിയെടുക്കാനും ശ്രേഷ്ഠമായ ഒരു കരിയറിലേക്കുള്ള വഴി കാണിക്കുവാനും എഐഎംആര്‍ഐയ്‌ക്ക് സാധിക്കുന്നു. താല്പര്യമുള്ള പ്രൊഫഷണലുകള്‍ക്ക്, ഡോക്ടറേറ്റ് അടക്കമുള്ള ഉന്നതബിരുദധാരികളായ ഇന്‍ഡസ്ട്രിയല്‍ വിദഗ്ധരുടെ മാര്‍ഗനിര്‍ദേശത്തോടു കൂടിയുള്ള ഇന്‍ഡസ്ട്രിയല്‍ ഡോക്ടറേറ്റ് പ്രോഗ്രാമുകളും എഐഎംആര്‍ഐ ഓഫര്‍ ചെയ്യുന്നുണ്ട്. വ്യവസായികരംഗത്ത് നിസ്തുലമായസംഭാവനകള്‍ നല്‍കിയ ബഹുമാന്യവ്യക്തിത്വങ്ങള്‍ക്ക്, അവരുടെ പബ്ലിഷ് ചെയ്യപ്പെട്ട പ്രൊഫഷണല്‍ ബയോഗ്രഫിയുടെ അടിസ്ഥാനത്തില്‍ ‘ഓണററി ഡോക്ടറേറ്റ്’ നല്‍കുന്ന പ്രോഗ്രാമുകളും എഐഎംആര്‍ഐ നടത്തിവരുന്നു.
എച്ച്ഡി പ്രൊജക്ഷന്‍, ഡോള്‍ബി 7.1 സറൗണ്ട് സൗണ്ട്, ഇന്ററാക്ടീവ് ക്ലാസ്‌റൂമുകള്‍ എന്നിവയോടു കൂടിയ നവീന തിയറ്റര്‍ ക്ലാസ് റൂം ഉള്‍പ്പെടെയുള്ള അത്യന്താധുനിക സൗകര്യങ്ങള്‍ ഉപയോഗപ്പെടുത്തിയാണ് എഐഎംആര്‍ഐയുടെ ട്രെയിനിങ് പ്രോഗ്രാമുകള്‍ സജ്ജീകരിച്ചിട്ടുള്ളത്. വിഷ്വല്‍മീഡിയ അടിസ്ഥാനമാക്കിയുള്ള ഇലേണിംഗ് വെര്‍ച്വല്‍ ക്ലാസ് മുറികള്‍ പൂര്‍ണമായും കടലാസ് രഹിതമാണ്. അടുത്തിടെ എഐഎംആര്‍ഐ മെറ്റാവേഴ്‌സ് ഐ യൂണിവേഴ്‌സിറ്റി’ എന്ന പേരിലുള്ള ഒരു വെര്‍ച്വല്‍ യൂണിവേഴ്‌സിറ്റിക്കും സ്ഥാപനം ജന്മം നല്‍കി. എഐഎംആര്‍ഐ ഇപ്പോള്‍ നെബോഷിന്റെ സില്‍വര്‍ പാര്‍ട്ണറും ഐഎസ്ഒ, വിസ്മയാസ് മാക്‌സ്, ഏരീസ്പ്ലക്‌സ് തുടങ്ങി മറ്റ് നിരവധി മറൈന്‍ ബോഡികളുടെ വിശ്വസ്തമായ തേര്‍ഡ് പാര്‍ട്ടി ഓഡിറ്ററുമാണ്.
പ്രതികരിക്കാൻ ഇവിടെ എഴുതുക: