കൊച്ചി: തിരുനാവായ വൈരംകോട് ഭഗവതി ക്ഷേത്രത്തില്‍ പാരമ്പര്യേതര ട്രസ്റ്റികളായി എ.ഐ.വൈ.എഫ്. തിരൂര്‍ മണ്ഡലം സെക്രട്ടറി പി.കെ. ബാബു, സി.പി.എം. നേതാവായ കെ.എസ്. ദിലീപ് എന്നിവരെ നിയമിച്ച മലബാര്‍ ദേവസ്വം ബോര്‍ഡ് കമ്മിഷണറുടെ ഉത്തരവ് ഹൈക്കോടതി ഒരുമാസത്തേക്ക് സ്റ്റേ ചെയ്തു.
ഇവര്‍ ഒരു മാസത്തേക്ക് ക്ഷേത്രഭരണത്തില്‍ ഇടപെടരുതെന്നും ജസ്റ്റിസ് അനില്‍. കെ. നരേന്ദ്രന്‍, ജസ്റ്റിസ് ജി. ഗിരീഷ് എന്നിവരുള്‍പ്പെട്ട ഡിവിഷന്‍ ബെഞ്ച് നിര്‍ദ്ദേശിച്ചു. രാഷ്‌ട്രീയ പ്രവര്‍ത്തകരെ ദേവസ്വം ബോര്‍ഡിന്റെ ക്ഷേത്രങ്ങളില്‍ പാരമ്പര്യേതര ട്രസ്റ്റികളായി നിയമിക്കരുതെന്ന ഹൈക്കോടതി ഉത്തരവിനു വിരുദ്ധമായി ഇവരെ നിയമിച്ചതു ചോദ്യം ചെയ്ത് തിരൂര്‍ സ്വദേശി എം. മുരളീധരന്‍ നല്‍കിയ ഹര്‍ജിയിലാണ് ഇടക്കാല ഉത്തരവ്.
ഹര്‍ജി നവംബര്‍ 27 ന് വീണ്ടും പരിഗണിക്കും.
പ്രതികരിക്കാൻ ഇവിടെ എഴുതുക: