തിരുച്ചിറപ്പള്ളി: തമിഴ്‌നാട്ടില്‍ കുപ്രസിദ്ധ ഗുണ്ട കൊമ്പന്‍ ജഗനെ പൊലീസ് വെടിവച്ചുകൊന്നു. തിരുച്ചിറപ്പള്ളിയിലാണ് സംഭവം.കൊലപാതകം അടക്കം നിരവധി ക്രിമിനല്‍ കേസുകളില്‍ പ്രതിയാണ് കൊമ്പന്‍ ജഗന് എന്ന തിരുച്ചി ജഗന് .
തിരുച്ചിറപ്പള്ളിയില്‍ സനമംഗലം വനത്തോട് ചേര്‍ന്ന പ്രദേശത്താണ് സംഭവം.ജഗന് ഒളിവില്‍ കഴിയുന്നതറിഞ്ഞ് പിടികൂടാനെത്തിയ പൊലീസ് സംഘത്തിനു നേരേ പെട്രോള്‍ ബോംബെറിഞ്ഞെന്നും പ്രാണരക്ഷാര്‍ത്ഥം എഎസ്‌ഐ വെടിയുതിര്‍ത്തെന്നുമാണ് ഔദ്യോഗിക അറിയിപ്പ്. ജഗന് വെട്ടിയതിനെ തുടര്‍ന്ന് കൈക്ക് പരിക്കേറ്റ എസ്‌ഐ വിനോദ് ആശുപുത്രിയിലാണ്.
തെറ്റ് ചെയ്യുന്നവരല്ല, തെറ്റ് തിരുത്തുന്നവരാണ് എന്ന അവകാശവാദത്തില്‍ സാമൂഹിക മാധ്യമങ്ങളിലൂടെ ആരാധകരെ സൃഷ്ടിക്കാന്‍ ശ്രമിച്ചിരുന്നു ജഗന്. മേയ് മാസത്തില്‍ ജഗന് ജന്മദിനാശംസകള്‍ നേര്‍ന്ന് തിരുച്ചിറപ്പള്ളിയില്‍ വ്യാപകമായി പോസ്റ്ററുകള്‍ പ്രത്യക്ഷപ്പെട്ടിരുന്നു.
നാല് മാസത്തിനിടെ അഞ്ച് പേരാണ് തമിഴ്‌നാട്ടില്‍ പൊലീസുമായുള്ള ഏറ്റുമുട്ടലില്‍ കൊല്ലപ്പെട്ടിട്ടുളളത്.
പ്രതികരിക്കാൻ ഇവിടെ എഴുതുക: