മലപ്പുറം: സ്‌കൂള്‍ കുട്ടികളെ നവകേരള സദസില്‍ എത്തിക്കണമെന്ന് നിര്‍ദ്ദേശിച്ചത് വിവാദമായതോടെ വിശദീകരണവുമായി തിരൂരങ്ങാടി ഡിഇഒ. കുട്ടികളെ നിര്‍ബന്ധമായും പങ്കെടുപ്പിക്കണമെന്നാവശ്യപ്പെട്ടില്ലെന്നും പഠനത്തിന്റെ ഭാഗമായി കുട്ടികളെ പങ്കെടുപ്പിക്കണമെന്നാണ് ആവശ്യപ്പെട്ടതെന്ന്ും ഡിഇഒ പറയുന്നു.
സാമൂഹ്യ ശാസ്ത്ര ക്ലബ്ബുകളുടെ ഭാഗമായി കുട്ടികളെ കൊണ്ടുപോകാം. അതിന് സ്‌കൂള്‍ ബസ് ഉപയോഗിക്കാം എന്നായിരുന്നു നിര്‍ദ്ദേശമെന്ന് ഡിഇഒ വിക്രമന്‍ അറിയിച്ചു.
നവകേരള സദസിലേക്ക് സ്‌കൂള്‍ കുട്ടികളെ എത്തിച്ച് ആളെ കൂട്ടണമെന്ന് വിദ്യാഭ്യാസ വകുപ്പ് നിര്‍ദേശിച്ചിരുന്നു. കഴിഞ്ഞ ദിവസം തിരൂരങ്ങാടി ഡിഇഒ വിളിച്ച യോഗത്തിലാണ് കുട്ടികളെ നവകേരള സദസിനെത്തിക്കാന്‍ പ്രധാനധ്യാപകരോട് നിര്‍ദേശിച്ചത്. ഓരോ സ്‌കൂളില്‍ നിന്നും അച്ചടക്കമുള്ള കുറഞ്ഞത് 200 കുട്ടികള്‍ എങ്കിലും വേണമെന്നാണ് നിര്‍ദ്ദേശം നല്‍കിയത്.
പ്രതികരിക്കാൻ ഇവിടെ എഴുതുക: