പത്തനംതിട്ട : സംസ്ഥാന സര്ക്കാരിന്റെ നവകേരള സദസിനെ യു ഡി എഫ് എതിര്ക്കുകയാണെങ്കിലും അതിനായി പണം അനുവദിച്ചിരിക്കുകയാണ് യുഡിഎഫ് ഭരിക്കുന്ന തദ്ദേശ സ്ഥാപനങ്ങള്.തിരുവല്ല നഗരസഭ 50000 രൂപ കൈമാറിയപ്പോള് കോന്നി ബ്ലോക്ക് പഞ്ചായത്ത് ഒരു ലക്ഷം രൂപ അനുവദിച്ചു.
അതേസമയം തീരുമാനം മാറ്റണമെന്ന് ഡിസിസി ആവശ്യപ്പെട്ടു.തിരുവല്ല നഗരസഭ ഈ മാസം നാലിന് ചേര്ന്ന നഗരസഭാ കൗണ്സിലിലാണ് പണം നല്കാന് തീരുമാനിച്ചത്. നവകേരള സദസുമായി സഹകരിക്കേണ്ടതില്ലെന്ന കെപിസിസി നിര്ദേശം അവഗണിച്ചുളള തീരുമാനത്തിനെതിരെ കോണ്ഗ്രസിലും യുഡിഎഫിലും പ്രതിഷേധമുയരുകയാണ്.
എന്നാല് സര്ക്കാര് ഉത്തരവ് പ്രകാരമാണ് പണം അനുവദിച്ചതെന്ന് നഗരസഭ ചെയര്പേഴ്സന് പറഞ്ഞു.
കോന്നി ബ്ലോക്ക് പഞ്ചായത്ത് ഒരു ലക്ഷം രൂപ അനുവദിച്ചത് ബ്ലോക്ക് പഞ്ചായത്ത് കമ്മിറ്റിയുടെ ഐക്യകണ്ഡ്യേനയുളള തീരുമാന പ്രകാരമാണ്.മുഴുവന് യുഡിഎഫ് അംഗങ്ങളും പണം അനുവദിക്കുന്നതിനെ അനുകൂലിച്ചു.
