വികസിത് ഭാരത് സങ്കല്‍പ് യാത്രയുടെ കീഴില്‍ പാലക്കാട് ജില്ലയുടെ ഗ്രാമ പ്രദേശങ്ങളിലെ പ്രചാരണ പരിപാടികള്‍ മൂന്നാം ദിവസത്തിലേക്ക് കടന്നു. ബ്ലോക്ക് പഞ്ചായത്ത് അംഗം കല കണ്ണന്‍, ഗ്രാമ പഞ്ചായത്ത് അംഗങ്ങളായ സന്തോഷ് എ. ആര്‍, നാരായണന്‍ കുട്ടി കെ.വി. എന്നിവര്‍ സംസാരിച്ചു.
പ്രധാനമന്ത്രി ആവിഷ്‌കരിച്ച ഗ്രാമ വികസന, സാമൂഹിക സുരക്ഷാ പദ്ധതികളെ ചടങ്ങില്‍ പരിചയപ്പെടുത്തി. കാര്‍ഷിക മേഖലയില്‍ ഡ്രോണുകള്‍ ഉപയോഗിക്കുന്നതിന്റെ ആവശ്യകതയും പ്രയോജനവും കാര്‍ഷിക വിദഗ്‌ദ്ധര്‍ വിശദീകരിച്ചു. ഡ്രോണുകളുടെ പ്രദര്‍ശനവും ഉണ്ടായിരുന്നു.
പദ്ധതികളുടെ ഗുണഭോക്താക്കള്‍ പദ്ധതികള്‍ കൊണ്ടുണ്ടായ പ്രയോജനങ്ങള്‍ പങ്കുവച്ചു. പിഎം ഉജ്വല യോജന പദ്ധതിയുടെ കീഴില്‍ ഗ്യാസ് കണക്ഷനുകള്‍ ചടങ്ങില്‍ വിതരണം ചെയ്തു. ചടങ്ങില്‍ പങ്കെടുത്തവര്‍ ‘നമ്മുടെ സങ്കല്‍പം വികസിത ഭാരതം’ പ്രതിജ്ഞ എടുത്തു. ഇന്ന് വൈകീട്ട് വികസിത് ഭാരത് സങ്കല്‍പ് യാത്ര പരിപാടി പിരായിരി പഞ്ചായത്തില്‍ നടക്കും.
പ്രതികരിക്കാൻ ഇവിടെ എഴുതുക: