ന്യൂദൽഹി: ഡിസംബറിൽ രാജ്യവ്യാപകമായി പണിമുടക്ക് നടത്തുമെന്ന് അറിയിച്ച് ഓൾ ഇന്ത്യ ബാങ്ക് എംപ്ലോയീസ് അസോസിയേഷൻ. ഡിസംബർ നാല് മുതൽ 11 വരെയാകും പണിമുടക്ക് നടക്കുക. പൊതു-സ്വകാര്യബാങ്കുകളിൽ പണിമുടക്ക് നടത്തുമെന്നാണ് എഇബിഇഎ അറിയിച്ചത്.
നാല് മുതൽ 11 വരെയുള്ള ദിവസങ്ങളിൽ ഓരോ ബാങ്കിലെയും ജീവനക്കാർ വ്യത്യസ്ത രീതിയിലാകും പണിമുടക്ക് നടത്തുന്നത്. നിലവിൽ ബാങ്കുകളിലെ ജീവനക്കാർക്ക് അധിത ജോലി ഭാരമാണെന്നും മതിയായ നിയമനം നടത്തണമെന്നും ആവശ്യപ്പെട്ടാണ് പണിമുടക്ക് നടത്തുന്നത്.
സ്ഥിരനിയമന തസ്തികകളിൽ പുറംകരാർ ജോലിക്കാരെ ഏർപ്പെടുത്തുന്നത് അവസാനിപ്പിക്കണമെന്നും ജീവനക്കാർ പറയുന്നു.
