ന്യൂദല്‍ഹി: കേന്ദ്ര ആഭ്യന്തര മന്ത്രിയും മുതിര്‍ന്ന ബിജെപി നേതാവുമായ അമിത് ഷാ ഇന്ന് തെലങ്കാനയില്‍ വിവിധ തെരഞ്ഞെടുപ്പ് റാലികളില്‍ പങ്കെടുക്കും. ഹൈദരാബാദില്‍ നടക്കുന്ന ചടങ്ങില്‍ ബിജെപിയുടെ നിയമസഭാ പ്രകടനപത്രിക അദ്ദേഹം പുറത്തിറക്കും.
പ്രകടനപത്രിക പുറത്തിറക്കിയശേഷം ഗഡ്‌വാളിലെത്തുന്ന അമിത്ഷാ അവിടെ പൊതുയോഗത്തില്‍ സംസാരിക്കും. നല്‍ഗൊണ്ട, വാറങ്കല്‍ എന്നിവിടങ്ങളില്‍ ബിജെപി റാലികളിലും അദ്ദേഹം പങ്കെടുക്കും. രാത്രി ഹൈദരാബാദില്‍ തിരിച്ചെത്തുന്ന അമിത്ഷാ, മാദിഗ സംവരണ സമരസമിതി(എംആര്‍പിഎസ്) നേതാക്കളുമായി കൂടിക്കാഴ്ച നടത്തും. തുടര്‍ന്ന് പ്രത്യേക വിമാനത്തില്‍ ദല്‍ഹിയിലേക്ക് തിരിക്കും.
തെരഞ്ഞെടുപ്പ് പ്രചാരണ പ്രവര്‍ത്തനങ്ങള്‍ക്ക് ആവേശം പകരാന്‍ ബിജെപി ദേശീയ അധ്യക്ഷന്‍ ജെ.പി. നദ്ദ നാളെ തെലങ്കാനയില്‍ എത്തും. നാരായണ്‍പേട്ട, ചെവെല്ല, മല്‍കജ്ഗിരി എന്നിവിടങ്ങളില്‍ നടക്കുന്ന പരിപാടികളില്‍ ജെ.പി. നദ്ദ പങ്കെടുക്കും.
പ്രതികരിക്കാൻ ഇവിടെ എഴുതുക: