തിരുവനന്തപുരം: ഇടത് അനുകൂല മാധ്യമപ്രവര്‍ത്തകര്‍ ഇപ്പോള്‍ നടത്തുന്ന ചര്‍ച്ചകളിലൂടെ സുരേഷ് ഗോപിയുടെ ഇമേജ് തകര്‍ക്കാനാവില്ലെന്ന് ബിജെപി വക്താവ് കെ.വി.എസ്. ഹരിദാസ്. അങ്ങിനെ നിങ്ങള്‍ ആഗ്രഹിക്കുന്നുണ്ടാവും. പക്ഷെ ഈ ചര്‍ച്ചകളുടെ ആത്യന്തികഫലം സുരേഷ് ഗോപിയെ അനാവശ്യമായി വേട്ടയാടുന്നു എന്ന പ്രതീതി അദ്ദേഹത്തെ സ്നേഹിക്കുന്നവരുടെ മനസ്സില്‍ ഉണ്ടാക്കുകയാണ് ചെയ്യുകയെന്നും കെ.വി.എസ്. ഹരിദാസ് പറഞ്ഞു. റിപ്പോര്‍ട്ടര്‍ ചാനലിന്റെ നികേഷ് കുമാര്‍ നടത്തിയ ചര്‍ച്ചയില്‍ പങ്കെടുത്ത് സംസാരിക്കുകയായിരുന്നു കെ.വി.എസ്. ഹരിദാസ്.
നികേഷേ, നിങ്ങള്‍ നടത്തുന്ന ഈ പൊറാട്ട് നാടകം കൊണ്ട് എന്താണ് ഇവിടെ ഉണ്ടാകാന്‍ പോകുന്നതെന്ന് എല്ലാവര്‍ക്കും അറിയാം. സുരേഷ് ഗോപിയ്ക്ക് ഒരു ഇമേജ് കേരളത്തിലുണ്ട്. അത് തകര്‍ക്കാന്‍ ആര്‍ക്കുമാവില്ല. – കെ.വി.എസ്. ഹരിദാസ് പറഞ്ഞു.
ഇത്തവണ അദ്ദേഹം നേരത്തെ തൃശൂരില്‍ എത്തിയിട്ടുണ്ട്. അദ്ദേഹം ഇക്കുറി തൃശൂര്‍ മണ്ഡലത്തില്‍ വ്യാപകമായി യാത്ര ചെയ്യുന്നുണ്ട്. പരിപാടികളില്‍ പങ്കെടുക്കുന്നുണ്ട്. സുരേഷ് ഗോപി തൃശൂരില്‍ താമസമാക്കിയിട്ടുമുണ്ട്. കേസ് കേസിന്റെ വഴിക്ക് പോകട്ടെ. വിചാരണ നടക്കണമെങ്കില്‍ നടക്കട്ടെ. എന്തായാലും ഇത്തരം വിലകുറഞ്ഞ ആരോപണത്തില്‍ കുടുക്കി സുരേഷ് ഗോപിയെ തകര്‍ക്കാനാവില്ല. – അദ്ദേഹം ചൂണ്ടിക്കാട്ടി.
പ്രതികരിക്കാൻ ഇവിടെ എഴുതുക: