തിരുവനന്തപുരം: സംസ്ഥാനത്ത് അടുത്ത അഞ്ച് ദിവസം ഇടി മിന്നലോടു കൂടിയ മിതമായതോ ഇടത്തരമോ മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. മധ്യപടിഞ്ഞാറന് ബംഗാള് ഉള്ക്കടലിലെ അതിതീവ്ര ന്യൂനമര്ദ്ദം അടുത്ത 24 മണിക്കൂറില് വടക്ക്-വടക്ക് കിഴക്ക് ദിശയില് സഞ്ചരിച്ച് ചുഴലിക്കാറ്റായി ശക്തിപ്രാപിച്ചേക്കും. മറ്റന്നാ ള് രാവിലെയോടെ ബംഗ്ലാദേശ് തീരത്തു മൊന്ഗ്ലക്കും ഖേപുപാറക്കും മധ്യേ ചുഴലിക്കാറ്റായി കരയില് പ്രവേശിക്കാന് സാധ്യത. വടക്കന് ശ്രീലങ്കയ്ക്ക് മുകളില് മറ്റൊരു ചക്രവാതചുഴി സ്ഥിതി ചെയ്യുന്നു
കേരള തീരത്തും തെക്കന് തമിഴ്നാട് തീരത്തും ഇന്ന് രാത്രി 11.30 വരെ 1.0 മുതല് 1.4 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ട്. മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്ന് സംസ്ഥാന ദുരന്തനിവാരണ അതോറിറ്റി നിര്ദേശം നല്കി.കടല്ത്തീരത്തേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കണം.
