കണ്ണൂര്: അയ്യന്കുന്ന് വനത്തില് മാവോയിസ്റ്റുകളും തണ്ടര്ബോള്ട്ട് സംഘവും തമ്മില് വെടിവയ്പ്.രണ്ട് മാവോയിസ്റ്റുകള്ക്ക് വെടിയേറ്റതായി സംശയമുണ്ട്.
അയ്യന്കുന്ന് ഉരുപ്പുകുറ്റിയില് വനമേഖലയില് പട്രോളിംഗ് നടത്തുകയായിരുന്ന തണ്ടര്ബോള്ട്ട് സംഘത്തിനുനേരെ മാവോയിസ്റ്റുകള് വെടിയുതിര്ക്കുകയായിരുന്നു. തണ്ടര്ബോള്ട്ട് തിരിച്ചും വെടിയുതിര്ക്കുകയായിരുന്നുവെന്നാണ് പൊലീസ് അറിയിച്ചത്.
വനത്തില് വെടിവെയ്പ്പ് ശബ്ദം കേട്ടതായി നാട്ടുകാര് വെളിപ്പെടുത്തി. പത്ത് മിനിട്ടോളം വെടിയൊച്ച കേട്ടെന്ന് നാട്ടുകാര് നല്കുന്ന വിവരം.
വനമേഖലയില് തണ്ടര്ബോള്ട്ട് പരിശോധന നടത്തി. വെടിവയ്പ്പ് നടന്ന സ്ഥലത്തുനിന്ന് മൂന്നു തോക്കുകള് കണ്ടെടുത്തു.
സ്ഥലത്ത് മാവോയിസ്റ്റുകളുടെ ക്യാമ്പ് പ്രവര്ത്തിച്ചിരുന്നതായാണ് സംശയമെന്ന് പൊലീസ് പറഞ്ഞു.
