ന്യൂദല്‍ഹി: കോണ്‍ഗ്രസ് തുറന്നിരിക്കുന്നത് സ്നേഹത്തിന്റെ കടയോ, ഭീഷണിയുടെ കടയോ… ബിജെപി വക്താവ് ഷെഹ്സാദ് പൂനവാല ചോദിക്കുന്നു. കോണ്‍ഗ്രസ് അധികാരത്തില്‍ എത്തിയാല്‍ ഒറ്റ ഉദ്യോഗസ്ഥനേയും വെറുതെ വിടില്ല എന്ന മധ്യപ്രദേശ് മുന്‍ മുഖ്യമന്ത്രിയും പാര്‍ട്ടി മുതിര്‍ന്ന നേതാവുമായ കമല്‍നാഥിന്റെ പ്രസ്താവനയോട് പ്രതികരിക്കുകയായിരുന്നു ബിജെപി വക്താവ്.
മധ്യപ്രദേശിലെ നിവാരിയില്‍ തെരഞ്ഞെടുപ്പു പ്രചരണ യോഗത്തില്‍ സംസാരിക്കുമ്പോഴാണ് ജില്ലയിലെ ഉദ്യോഗസ്ഥരെ കമല്‍നാഥ് ഭീഷണിപ്പെടുത്തിയത്. സര്‍ക്കാര്‍ ഉദ്യോഗസഥരെ കമല്‍നാഥ് പരസ്യമായി ഭീഷണിപ്പെടുത്തുന്നത് ഇതാദ്യമല്ല. അത്രമാത്രം ധാര്‍ഷ്ട്യവും അഹങ്കാരവും കമല്‍നാഥ് മിക്കപ്പോഴും പ്രകടിപ്പിച്ചിട്ടുണ്ട്.
കോണ്‍ഗ്രസ് സ്നേഹത്തിന്റെ കട തുറന്നു എന്ന് രാഹുല്‍ പറയുന്നു. പക്ഷേ, തുറന്നത് ഭീഷണിയുടെ കടയാണോ എന്നാണ് ഇപ്പോള്‍ സംശയം, ഷെഹ്സാദ് പറഞ്ഞു. മധ്യപ്രദേശില്‍ കോണ്‍ഗ്രസ് അധികാരത്തില്‍ തിരിച്ചെത്തിയാല്‍ എന്തായിക്കും അവസ്ഥ എന്നതിന്റെ മികച്ച തെളിവാണ് കമല്‍നാഥിന്റെ വാക്കുകള്‍, ബിജെപി വക്താവ് കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: