ആലപ്പുഴ: വൈഎംസിഎ പി ഒ ഫിലിപ്പ് ഇന്‍ഡോര്‍ സ്റ്റേഡിയത്തില്‍ നടന്ന 67-ാമത് ഇന്ത്യന്‍ ഓയില്‍ കേരള സ്റ്റേറ്റ് ബാസ്‌ക്കറ്റ് ബോള്‍ ചാമ്പ്യന്‍ഷിപ്പില്‍ തിരുവന്തപുരം വനിതകള്‍ പാലക്കാടിനെ 96 -68 തോല്പിച്ച് കിരീടം നിലനിര്‍ത്തി. പുരുഷ ഫൈനലില്‍ നിലവിലെ ചാമ്പ്യന്മാരായ തിരുവന്തപുരത്തെ 69-62 തോല്‍പ്പിച്ച് എറണാകുളം ജേതാക്കളായി.
കെഎസ്ഇബി താരങ്ങളുടെ സാന്നിധ്യം കൂടുതലായുണ്ടായ തിരുവനന്തപുരം ഫൈനലില്‍ നേരിട്ട പാലക്കാട് ടീമില്‍ കേരള പോലീസ് താരങ്ങളാണ് കൂടുതലായ് ഉണ്ടായിരുന്നത്.
പുരുഷന്മാരുടെ ഫൈനലില്‍ എറണാകുളത്തിന് വേണ്ടി സെന്‍ട്രല്‍ ജിഎസ്ടിയിലെയും കസ്റ്റംസിലെയും താരങ്ങള്‍ അണിനിരന്നപ്പോള്‍ തിരുവനന്തപുരത്തിനായി കേരള പോലീസില്‍ നിന്നുള്ള കളിക്കാരും ചേര്‍ന്ന് കെഎസ്ഇബി താരങ്ങളും ഇറങ്ങി.
മികച്ച കളിക്കാര്‍ക്കുള്ള പി.എസ്.വിശ്വപ്പന്‍ ഗോള്‍ഡ് മെഡല്‍ അനീഷ ക്ലീറ്റസും(കെഎസ്ഇബി) ഷിറാസില്‍ മുഹമ്മദും(കേരള പോലീസ്) അര്‍ഹരായി.
പ്രതികരിക്കാൻ ഇവിടെ എഴുതുക: