ബംഗളുരു : ലോകകപ്പ് ലീഗ് ഘട്ടത്തിലെ അവസാന മത്സരത്തില് ആദ്യം ബാറ്റു ചെയ്ത ഇന്ത്യക്ക് നെതര്ലാണ്ട്സിനെതിരെ വമ്പന് സ്കോര്. ഇന്ത്യ നാല് വിക്കറ്റ് നഷ്ടത്തില് 410 റണ്സെടുത്തു. ശ്രേയസ് അയ്യറും കെ എല് രാഹുലും തകര്പ്പന് സെഞ്ച്വറികളാണ് നേടിയത്. ഓപ്പണര്മാരായ ക്യാപ്റ്റന് രോഹിത് ശര്മ്മയും ശുഭ്മന് ഗില്ലും മികച്ച തുടക്കം നല്കി.
ഗില് 32 പന്തില് നിന്ന് 51 റണ്സ് എടുത്തപ്പോള് ക്യാപ്റ്റന് രോഹിത് ശര്മ്മ 54 പന്തില് നിന്ന് 61 റണ്സും എടുത്തു. മൂന്നാമതായി വന്ന വിരാട് കോഹ്ലി 56 പന്തില് 51 റണ്സ് എടുത്തു.
42ാം ഓവറില് ഇന്ത്യ 300 റണ്സ് കടന്നു. 94 പന്തില് നിന്ന് 128 റണ്സ് ആണ് ശ്രേയസ് അയ്യര് എടുത്തത് . ശ്രേയസിന്റെ ആദ്യ ലോകകപ്പ് സെഞ്ച്വറി ആണിത്. അഞ്ച് സിക്സും 10 ഫോറും അടങ്ങുന്നതായിരുന്നു ശ്രേയസിന്റെ ഇന്നിംഗ്സ്.
രാഹുല് 64 പന്തില് നിന്ന് 102 റണ്സ് നേടി.4 സിക്സും 11 ഫോറും രാഹുല് അടിച്ചുകൂട്ടി.
