പാലക്കാട് : സിപിഐ ഓഫീസില്‍ നിന്ന് മരം മുറിച്ച സംഭവത്തില്‍ പരാതി നല്‍കിയവര്‍ക്കെതിരെ പാര്‍ട്ടി നടപടിക്ക് സാധ്യത.ബ്രാഞ്ച് സെക്രട്ടറിക്ക് എതിരെ വനംവകുപ്പിന് പരാതി നല്‍കിയ ഷിബു കുര്യന്‍,സിറില്‍ ബെന്നി,ഫൈസല്‍ എന്നിവരെ പാര്‍ട്ടിയില്‍ നിന്ന് പുറത്താക്കുമെന്നാണ് സൂചന.
ഇവരോട് വിശദീകരണം തേടാന്‍ പാര്‍ട്ടി ലോക്കല്‍കമ്മറ്റി യോഗം തീരുമാനിച്ചു.കിഴക്കഞ്ചേരി വാല്‍ക്കുളമ്പ് പാര്‍ട്ടി ഓഫീസിലാണ് സംഭവം.
മരം മുറിച്ച് കടത്തിയെന്ന് ആരോപണമുന്നയിച്ച് പാര്‍ട്ടിയെ അവഹേളിക്കാന്‍ ശ്രമിച്ചെന്നാണ് പരാതിപ്പെട്ട അംഗങ്ങള്‍ക്കെതിരായ ആരോപണം. പുറത്താക്കുന്നതിന് മുന്നോടിയായാണ് ഇവരോട് വിശദീകരണം തേടുന്നത്.
പ്രതികരിക്കാൻ ഇവിടെ എഴുതുക: