അമ്മയ്‌ക്കൊപ്പം യാത്ര ചെയ്ത കുട്ടികളെ ഇറക്കാതെ ബസ് പാഞ്ഞു; സ്വകാര്യബസ് ജീവനക്കാർക്കെതിരെ പരാതി

കൊച്ചി: എറണാകുളത്ത് അമ്മയ്‌ക്കൊപ്പം യാത്ര ചെയ്ത കുട്ടികളെ ഇറക്കാതെ ബസ് വിട്ട്‌പോയതായി പരാതി. പാലാരിവട്ടത്താണ് സംഭവം. മട്ടാഞ്ചേരി-ആലുവ റൂട്ടിലോടുന്ന സ്വകാര്യ ബസിനെതിരെയാണ് പരാതി. സജിമോൻ എന്ന ബസിലെ ജീവനക്കാർക്കെതിരെയാണ് പരാതി.

നിർത്താതെ ബസ് മുന്നോട്ട് നീങ്ങിയതിനെ തുടർന്ന് ബസിലുണ്ടായിരുന്നവർ ബഹളം വെച്ചതോടെയാണ് നിർത്തിയത്. സംഭവത്തിൽ ബസ് ജീവനക്കാർക്കെതിരെ കേസ് എടുക്കുമെന്ന് പാലാരിവട്ടം പോലീസ് അറിയിച്ചു. പാലാരിവട്ടം സ്വദേശി ഷിബിയുടെ പരാതിയിന്മേലാണ് നടപടി.