കൊച്ചി: കളമശേരിയില്‍ യഹോവ സാക്ഷികളുടെ സമ്മേളന സ്ഥലത്ത് നടന്ന സ്ഫോടനത്തില് പരിക്കേറ്റ് ചികിത്സയിലായിരുന്ന ഒരാള്‍ കൂടി മരിച്ചു. മലയാറ്റൂര്‍ സ്വദേശിനി റീന പ്രദീപാണ് (46) മരിച്ചത്. ഇതോടെ സ്ഫോടനത്തില് മരിച്ചവരുടെ എണ്ണം അഞ്ചായി.
റീനയുടെ മകള്‍ 12 വയസുളള ലിബിന നേരത്തെ മരിച്ചിരുന്നു. സ്ഫോടനത്തില് മരിച്ച അഞ്ചുപേരും സ്ത്രീകളാണ്. റീനയുടെ രണ്ട് ആണ്മക്കള്‍ പൊളളലേറ്റ് ആശുപത്രിയില്‍ ചികിത്സയിലാണ്.
കളിഞ്ഞ മാസം 29നാണ് സ്‌ഫോടനം ഉണ്ടായത്. സ്‌ഫോടനം നടന്ന ഉടന്‍ ഡൊമിനിക് മാര്‍ട്ടിന്‍ എന്നയാള്‍ ഉത്തരവാദിത്തമേറ്റ് പൊലീസ് സ്റ്റേഷനില്‍ കീഴടങ്ങിയിരുന്നു. ഇയാള്‍ ഇപ്പോള്‍ റിമാന്‍ഡിലാണ്. യഹോവ സാക്ഷികളോടൊപ്പം ഏറെക്കാലം ഉണ്ടായിരുന്ന ഡൊമിനിക് മാര്‍ട്ടിന്‍ ഈ സമൂഹം ദേശവിരുദ്ധത പ്രോത്സാഹിപ്പിക്കുന്നുവെന്ന് പറഞ്ഞാണ് സ്‌ഫോടനം നടത്തിയത്.
പ്രതികരിക്കാൻ ഇവിടെ എഴുതുക: