പമ്പ: ശബരിമല തീര്ഥാടകര്ക്ക് സഹായമാകുന്ന അയ്യന് മൊബൈല് ആപ്പ് പുറത്തിറക്കി. പമ്പ ശ്രീരാമ സാകേതം ഓഡിറ്റോറിയത്തില് വനം മന്ത്രി എ കെ ശശീന്ദ്രനാണ് ആപ്പ് പുറത്തിറക്കിയത്. പെരിയാര് വന്യജീവി സങ്കേതം വെസ്റ്റ് ഡിവിഷനാണ് ആപ്പ് നിര്മിച്ചത്.
പമ്പ, സന്നിധാനം, സ്വാമി അയ്യപ്പന് റോഡ്, പമ്പ-നീലിമല -സന്നിധാനം എരുമേലി- അഴുതക്കടവ്- പമ്പ, സത്രം ഉപ്പുപാറ -സന്നിധാനം എന്നീ പാതകളില് ലഭിക്കുന്ന സേവനങ്ങള് ഈ ആപ്പിലൂടെ അറിയാനാകും.
പരമ്പരാഗത കാനന പാതകളിലെ സേവന കേന്ദ്രങ്ങള്, മെഡിക്കല് എമര്ജന്സി യൂണിറ്റ്, താമസസൗകര്യം, എലിഫന്റ് സ്ക്വാഡ് ടീം, പൊതു ശൗചാലയങ്ങള്, ഓരോ താവളത്തില് നിന്നും സന്നിധാനത്തേയ്ക്കുള്ള ദൂരം, അഗ്നിശമനസേന, പൊലീസ് എയ്ഡ് പോസ്റ്റ്, ഇക്കോ ഷോപ്പ്, സൗജന്യ കുടിവെള്ള വിതരണ കേന്ദ്രങ്ങള്, ഒരു സ്ഥലത്തുനിന്നും അടുത്ത കേന്ദ്രങ്ങളിലേക്കുള്ള ദൂരം എന്നിവ സംബന്ധിച്ച വിവരങ്ങള് ആപ്പിലുണ്ട്.
അയ്യപ്പന്മാര് പാലിക്കേണ്ട ആചാരമര്യാദകളും പൊതുനിര്ദേശങ്ങള്, പെരിയാര് വന്യജീവി സങ്കേതത്തിന്റെ വിവരങ്ങള്, ശബരിമല ക്ഷേത്രത്തേക്കുറിച്ചുള്ള വിവരങ്ങള് എന്നിവ ആപ്പില് ലഭ്യമാണ്.
ഗൂഗിള് പ്ലേ സ്റ്റോറില് നിന്നു അയ്യന്’ ആപ്പ് ഡൗണ്ലോഡ് ചെയ്യാം.’മലയാളം, തമിഴ്, കന്നഡ, തെലുങ്ക്, ഹിന്ദി, എന്നീ അഞ്ചു ഭാഷകളില് ലഭ്യമാണ്. കാനന പാത കവാടങ്ങളിലെ ക്യൂ ആര് കോഡ് സ്കാന് ചെയ്തും ആപ്പ് ഡൗണ്ലോഡ് ചെയ്യാം.അവശ്യഘട്ടങ്ങളില് ബന്ധപ്പെടാനുളള അടിയന്തര സഹായ നമ്പറുകളും ആപ്പില് ലഭ്യമണ്. ഓണ്ലൈനിലും ഓഫ് ലൈനിലും ആപ്പ് പ്രവര്ത്തിക്കും.
കാഞ്ഞിരപ്പളളിയിലെ ലെപ്പേര്ഡ് ടെക്ക് ലാബ് പ്രൈവറ്റ് ലിമിറ്റഡിന്റെ സാങ്കേതിക സഹായത്തോടെയാണ് ആപ്പ് തയാറാക്കിയിട്ടുളളത്.
