പത്തനംതിട്ടയിൽ അച്ഛനും മകനും തലയ്‌ക്ക് വെട്ടേറ്റു; അയൽവാസി ഒളിവിൽ

പത്തനംതിട്ട: പത്തനംതിട്ടയിൽ അച്ഛനും മകനും തലയ്‌ക്ക് വെട്ടേറ്റു. റാന്നിയിലാണ് സംഭവം. പൊന്നമ്പാറ സ്വദേശി സുകുമാരനും മകൻ സുനിലിനുമാണ് വെട്ടേറ്റത്. ഇരുവരെയും കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.

ഇന്നലെ രാത്രിയോടെയായിരുന്നു ആക്രമണം. അയൽവാസിയായ പ്രസാദ് ആണ് ഇവരെ വെട്ടിപ്പരിക്കേൽപ്പിച്ചത്. പ്രതി ഒളിവിലാണ്. ഇയാൾക്ക് വേണ്ടിയുള്ള അന്വേഷണം ആരംഭിച്ചു.