തൃക്കാക്കര: ആത്മഹത്യക്ക് ശ്രമിച്ച പന്തീരങ്കാവ് യുഎപിഎ കേസിലെ പ്രതിയായ അലന് ഷുഹൈബിനെതിരെ ആത്മഹത്യശ്രമകുറ്റത്തിന് കേസെടുത്ത് പോലീസ്. അലന് ഷുഹൈബ് സുഹൃത്തുക്കള്ക്ക് അയച്ച സന്ദേശങ്ങള് പോലീസിന് ലഭിച്ചിരുന്നു.
അലന് ഷുഹൈബ് നിലവില് കൊച്ചി സണ് റൈസ് ആശുപത്രിയില് തീവ്ര പരിചരണ വിഭാഗത്തില് ചികിത്സയിലാണ്. ഇയ്യാള് അപകടനില തരണം ചെയ്തുവെന്നാണ് റിപ്പോര്ട്ട്. അമിതമായ അളവില് ഉറക്കഗുളിക കഴിച്ചതോടെയാണ് അലന് ബോധരഹിതനായതെന്നാണ് വിവരം.
കഴിഞ്ഞ രണ്ടു ദിവസമായി മാതാവിന്റെ സഹോദരി സജിത മഠത്തിലിന്റെ ഫ്ളാറ്റിലായിരുന്നു അലന്റെ താമസം. ഇന്നലെ വെളുപ്പിനെയാണ് അവശനിലയില് കണ്ടെത്തിയത്. ബന്ധുക്കള് ഉടന് ആശുപത്രിയില് എത്തിക്കുകയായിരുന്നു.
ആത്മഹത്യാശ്രമമാണെന്ന് പോലീസ് പറഞ്ഞു. തീവ്രപരിചരണ വിഭാഗത്തിലായതിനാല് മൊഴിയെടുക്കാന് കഴിഞ്ഞിട്ടില്ല. പന്തീരങ്കാവ് യുഎപിഎ കേസില് വിചാരണ തുടരുന്നതിനിടെയാണ് സംഭവം.
