കോയമ്പത്തൂര് : മുന് കാമുകിയുടെ ചിത്രങ്ങള് മോര്ഫ് ചെയ്ത് സാമൂഹിക മാധ്യമങ്ങളിലൂടെ പ്രചരിപ്പിച്ച മലയാളി റേസിംഗ് താരം അറസ്റ്റിലായി.
തൃശൂര് സ്വദേശി ആല്ഡ്രിന് ബാബുവിനെയാണ് കോയമ്പത്തൂരില് അറസ്റ്റ് ചെയ്തത്. കോയമ്പത്തൂര് സ്വദേശിനി നല്കിയ പരാതിയിലാണ് അറസ്റ്റ്.
വ്യാജ ഇന്സ്റ്റഗ്രാം അക്കൗണ്ടിലൂടെ അശ്ലീല ചിത്രങ്ങള് പ്രചരിപ്പിക്കുന്നതായി കാട്ടി യുവതി കഴിഞ്ഞ മാസം കോയമ്പത്തൂര് സൈബര് ക്രൈം പൊലീസിന് പരാതി നല്കിയിരുന്നു.
ഐപി അഡ്രസിലൂടെ ആല്ഡ്രിന്റെ മൊബൈല് ഫോണില് നിന്ന് ചിത്രങ്ങള് അപ്ലോഡ് ചെയ്തതായി കണ്ടെത്തുകയായിരുന്നു. ആല്ഡ്രിന് കുറ്റം സമ്മതിച്ചെന്ന് പൊലീസ് പറഞ്ഞു. മൊബൈല് ഫോണും ലാപ്ടോപും കണ്ടെത്തി.
ദേശിയ തലത്തില് മോട്ടോര് സൈക്കിള് റേസിംഗ് ചാമ്പ്യന്ഷിപ്പുകളില് സ്ഥിര സാന്നിധ്യമാണ് തൃശൂര് സ്വദേശി ആല്ഡ്രിന് ബാബു.കോയമ്പത്തൂര് സ്വദേശിനിയുമായി ദീര്ഘനാള് പ്രണയത്തിലായിരുന്നു. രണ്ട് വര്ഷം മുമ്പ് ഇരുവരും വേര്പിരിഞ്ഞു. ബന്ധം തുടരാന് പല തവണ ആല്ഡ്രിന് സമീപിച്ചെങ്കിലും യുവതി വഴങ്ങിയില്ല. തുടര്ന്നാണ് യുവതിയുടെ മോര്ഫ് ചെയ്ത ചിത്രങ്ങള് പ്രചരിപ്പിച്ചത്.
