ന്യൂദല്‍ഹി: ബി ജെ പി മുതിര്‍ന്ന നേതാവ് എല്‍ കെ അദ്വാനിയുടെ ജന്മദിനത്തില്‍ അദ്ദേഹത്തിന് ആശംസയുമായി നടനും രാജ്യസഭ മുന്‍ എം പിയുമായ സുരേഷ് ഗോപി. അദ്വാനിയുടെ 96-ാം ജന്മദിനത്തില്‍ വീട്ടിലെത്തിയാണ് സുരേഷ് ഗോപി ആശംസ നേര്‍ന്നത്.
അദ്വാനിയുടെ പാദത്തില്‍ നമസ്‌കരിക്കുകയും ചെയ്തു. അദ്വാനിക്കും മകള്‍ക്കുമൊപ്പമുളള ഫോട്ടോയും താരം സാമൂഹ്യ മാധ്യമമായ എക്‌സില്‍ പങ്കുവച്ചു.
വീട്ടിലെ ഫോട്ടോഗ്രാഫുകളെയും പെയിന്റിംഗുകളെയും കുറിച്ചും സുരേഷ് ഗോപി എക്‌സില്‍ എഴുതി. അദ്വാനിയുടെയും അദ്ദേഹവും വാജ്‌പേയിയും ഒരുമിച്ചുളള ചിത്രങ്ങളും പഴയ ഓര്‍മ്മകള്‍ ഉണര്‍ത്തിയെന്നും താരം പറയുന്നു.
അദ്വാനിക്ക് നേരത്തേ പ്രധാനമന്ത്രി നരേന്ദ്ര മോദിയും കേന്ദ്ര ആഭ്യന്തര മന്ത്രി അമിത് ഷായും സാമൂഹ്യ മാധ്യമത്തിലൂടെ ആശംസ നേര്‍ന്നു.
പ്രതികരിക്കാൻ ഇവിടെ എഴുതുക