തിരുവനന്തപുരം: ദീപാവലി ആഘോഷത്തിനു പടക്കം പൊട്ടിക്കുന്നത് രാത്രി എട്ടിനും പത്തിനും ഇടയില് പരമാവധി രണ്ടു മണിക്കൂറാക്കിയും ക്രിസ്മസ്, ന്യൂ ഇയര് ആഘോഷങ്ങള്ക്ക് പടക്കം പൊട്ടിക്കുന്നത് രാത്രി 11.55 മുതല് 12.30 വരെയാക്കിയും നിയന്ത്രിച്ച് സര്ക്കാര് ഉത്തരവ് പുറപ്പെടുവിച്ചു.
വായുഗുണനിലവാരം മിതമായതോ അതിനു താഴെയുള്ളതോ ആയ നഗരങ്ങളില് അന്തരീക്ഷ മലിനീകരണം നിയന്ത്രിക്കുന്നതിന്റെ ഭാഗമായി ഗ്രീന് ട്രബ്യൂണല് പുറപ്പെടുവിച്ച വിധിയുടെ അടിസ്ഥാനത്തിലാണ് ഉത്തരവ്. ആഘോഷങ്ങളില് ഹരിതപടക്കങ്ങള് മാത്രമേ വില്ക്കാന് പാടുള്ളൂവെന്നും ജില്ലാ മജിസ്ട്രേറ്റുമാര്, ജില്ലാ പോലീസ് മേധാവിമാര് എന്നിവര് ഇക്കാര്യങ്ങള് ഉറപ്പാക്കണമെന്നും ഉത്തരവില് പറയുന്നു.
