ഭുജ് (ഗുജറാത്ത്): ആര്എസ്എസ് അഖില ഭാരതീയ കാര്യകാരി മണ്ഡല് ബൈഠക്കിന് ഭുജിലെ കച്ഛി ലേവാ പട്ടേല് സമാജത്തിന്റെ സര്ദാര് പട്ടേല് വിദ്യാ സമുച്ചയത്തില് സമാരംഭമായി. ബൈഠക് കേന്ദ്രമായ മാതൃശ്രീ ധന്ബായ് പ്രേംജി ഗംഗാജി ഭുഡിയ കമ്മ്യൂണിറ്റി ഹാളില് തയാറാക്കിയ ഭാരത മാതാ ചിത്രത്തില് സര്സംഘചാലക് ഡോ. മോഹന് ഭാഗവത്, സര്കാര്യവാഹ് ദത്താത്രേയ ഹൊസബാളെ എന്നിവര് പുഷ്പാര്ച്ചന നടത്തി.
അഖില ഭാരതീയ ചുമതലയുള്ളവര്, ക്ഷേത്രീയ, പ്രാന്തീയ തലത്തിലുള്ള സംഘചാലകന്മാര്, കാര്യവാഹുമാര്, പ്രചാരകന്മാര്, ചില വിവിധക്ഷേത്ര സംഘടനകളുടെ സംഘടനാ കാര്യദര്ശിമാര് എന്നിവരാണ് പ്രതിനിധികള്. 45 പ്രാന്തങ്ങളില് നിന്നും 11 ക്ഷേത്രങ്ങളില് നിന്നുമായി 382 പ്രതിനിധികള് പങ്കെടുക്കുന്നുണ്ട്. സര്കാര്യവാഹ് ദത്താത്രേയ ഹൊസബാളെ പ്രതിനിധികളെ ബൈഠക്കിലേക്ക് സ്വാഗതം ചെയ്തു. മൂന്ന് ദിവസത്തെ കാര്യകാരി മണ്ഡല് യോഗം ഏഴിന് വൈകിട്ട് സമാപിക്കും.
