തൃശൂര് : അന്തരിച്ച മുതിര്ന്ന ആര്എസ്എസ് പ്രചാരകന് ആര്. ഹരി അനുസ്മരണം ഇന്ന് ശാഖകളില് നടക്കും. സംസ്ഥാനത്തെ എല്ലാ സംഘ ശാഖകളിലും അനുസ്മരണം നടക്കും. ആര്എസ്എസ് മുന് അഖില ഭാരതീയ ബൗദ്ധിക് പ്രമുഖും മുന് പ്രാന്ത പ്രചാരകനുമായ ആര്.ഹരി ഒക്ടോബര് 29 നാണ് കൊച്ചിയില് അന്തരിച്ചത്. തുടര്ന്ന് തൃശ്ശൂര് തിരുവില്വാമല പാമ്പാടി ഐവര്മഠം ശ്മശാനത്തിലായിരുന്നു സംസ്കാരകര്മ്മങ്ങള്.
കഴിഞ്ഞദിവസം ചിതാഭസ്മം പാമ്പാടിയില് നിളയില് നിമജ്ജനം ചെയ്തു. ഭാരതീയ വിദ്യാനികേതന് സംസ്ഥാന ജനറല് സെക്രട്ടറി ആര്.വി.ജയകുമാര് നിമജ്ജന കര്മ്മങ്ങള് ചെയ്തു. ആര്എസ്എസ് മുന് അഖില ഭാരതീയ കാര്യകാരിയംഗവും മുതിര്ന്ന പ്രചാരകനുമായ എസ്. സേതുമാധവന്, ദക്ഷിണ ക്ഷേത്ര സമ്പര്ക്കപ്രമുഖ് പി.എന്. ഹരികൃഷ്ണകുമാര് തുടങ്ങിയവര് ചടങ്ങില് സംബന്ധിച്ചു.
