കൊല്‍ക്കത്ത: ഈസ്റ്റ് ബംഗാളിനെ അവരുടെ തട്ടകത്തില്‍ എതിരില്ലാത്ത രണ്ട് ഗോളിന് തകര്‍ത്ത് കേരള ബ്ലാസ്റ്റേഴ്സ് എഫ്‌സി. ഇന്നലെ സ്വന്തമാക്കിയ തകര്‍പ്പന്‍ ജയത്തോടെ ഇവാന്‍ വുക്കോമനോവിച്ചിന്റെ ടീം 13 പോയിന്റുമായി ഇന്ത്യന്‍ സൂപ്പര്‍ ലീഗ്(ഐഎസ്എല്‍) പോയിന്റ് പട്ടികയില്‍ മുന്നിലെത്തി.
കളിയുടെ രണ്ട് പകുതികളിലുമായി ഓരോ ഗോള്‍ നേടിയാണ് ബ്ലാസ്റ്റേഴ്സ് വിജയം. 32-ാം മിനിറ്റില്‍ ഡൈസുകെ സകായി നേടിയ ഗോളില്‍ ആദ്യപകുതിയില്‍ ലീഡ് നേടി. രണ്ടാം പുകിതിയില്‍ കിട്ടുന്ന അവസരങ്ങളില്‍ മാത്രമാണ് ബ്ലാസ്റ്റേഴ്സ് മുന്നേറിക്കൊണ്ടിരുന്നത്. ഒടുവില്‍ കളി അവസാനത്തോടടുക്കുമ്പോള്‍ മഞ്ഞപ്പടയുടെ ഗോളടിവീരന്‍ ദിമിത്രിയോസ് ഡയമന്റക്കോസ് സ്‌കോര്‍ ചെയ്തു. ബ്ലാസ്റ്റേഴ്സ് ജയം ഉറപ്പിച്ചു.
തൊട്ടടുത്ത മിനിറ്റില്‍ രണ്ടാം മഞ്ഞകാര്‍ഡ് കണ്ട ഡയമന്റക്കോസ് ചുവപ്പ് കാര്‍ഡ് കണ്ട് പുറത്തായി. അടുത്ത രണ്ട് മത്സരങ്ങള്‍ താരത്തിന് നഷ്ടമാകും.
ഇന്നലെ നടന്ന ആദ്യ മത്സരം സമനിലയില്‍ പിരിഞ്ഞു. ഹൈദരാബാദും ബെംഗളൂരുവും തമ്മില്‍ ഓരോ ഗോള്‍ വീതം അടിച്ചാണ് പിരിഞ്ഞത്.
പ്രതികരിക്കാൻ ഇവിടെ എഴുതുക: