മുംബൈ: റിലയന്‍സ് ചെയര്‍മാന്‍ മുകേഷ് അംബാനിയോട് 400 കോടി ആവശ്യപ്പെട്ട് വധഭീഷണി ഇ-മെയില്‍ സന്ദേശം അയച്ച 19 കാരനെ അറസ്റ്റ് ചെയ്തു. തെലങ്കാനയില്‍ നിന്നും കൗമാരക്കാരന്‍ കഴിഞ്ഞ ദിവസം പൊലീസ് വലയിലായി. ഗണേഷ് രമേഷ് വനപർധി(19)നെ മുംബൈ ഗാംദേവി പൊലീസാണ് അറസ്റ്റ് ചെയ്തത്.
കഴിഞ്ഞ നാല് ദിവസങ്ങള്‍ക്കുള്ളില്‍ മൂന്ന് വധഭീഷണി ഉയര്‍ത്തുന്ന ഇ-മെയിലുകളാണ് റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനിക്ക് വന്നത്. ഏറ്റവും ഒടുവിലത്തെ വധഭീഷണിയില്‍ 400 കോടി രൂപയാണ് ആവശ്യപ്പെട്ടിരുന്നത്. 20 കോടി ആവശ്യപ്പെട്ട് ആദ്യ വധഭീഷണി മുഴക്കിയ ഇ-മെയില്‍ എത്തിയപ്പോള്‍ തന്നെ മുംബൈയിലെ ഗാംദേവി പൊലീസ് സ്റ്റേഷന്‍ കേസെടുത്തിരുന്നു. പിന്നീടുള്ള ഇമെയിലുകളിൽ തുക 200 കോടിയായും 400 കോടിയായും ഉയർന്നു.
കോടതിയിൽ ഹാജരാക്കിയ പ്രതിയെ നവംബർ 8 വരെ പൊലീസ് കസ്റ്റഡിയിൽ വിട്ടു. ഇയാളെ ചോദ്യം ചെയ്തുവരികയാണെന്ന് പൊലീസ് അറിയിച്ചു. സംഭവത്തിന് ഗൗരവം വര്‍ധിപ്പിക്കാന്‍ ഷഹദാബ് ഖാൻ എന്നാണ് ഇ മേയിലില്‍ പേര് പറഞ്ഞിരുന്നത്.
പ്രതികരിക്കാൻ ഇവിടെ എഴുതുക: