അമ്മയോടൊപ്പം നടന്ന കുട്ടിയെ തട്ടിക്കൊണ്ടു പോകാന്‍ ശ്രമം

കൊച്ചി: അമ്മയോടൊപ്പം നടന്നുപോയ കുട്ടിയെ തട്ടിക്കൊണ്ടു പോകാന്‍ ശ്രമം. പാലാരിവട്ടത്താണ് സംഭവം.

പ്രതി തമ്മനം സ്വദേശി എബിനെ നാട്ടുകാര്‍ ഓടിച്ചിട്ടു പിടിച്ച് പൊലീസില്‍ ഏല്‍പ്പിച്ചു. എന്നാല്‍ ഇയാള്‍ക്കെതിരെ പൊലീസ് കേസെടുത്തിട്ടില്ല.

പ്രതിക്കെതിരെ കുട്ടിയുടെ മാതാവ് പരാതി നല്‍കിയിട്ടില്ലാത്തതിനാലാണ് കേസെടുക്കാത്തതെന്ന് പൊലീസ് അറിയിച്ചു.ഇതരസംസ്ഥാന തൊഴിലാളിയായ സ്ത്രീയുടെ പക്കല്‍നിന്നും കുഞ്ഞിനെ തട്ടിക്കൊണ്ടുപോകാനും മുമ്പ് ഇയാള്‍ ശ്രമിച്ചിട്ടുണ്ട്. മദ്യപിച്ച് പൊതുസ്ഥലത്ത് ശല്യമുണ്ടാക്കിയതിനാണ് ഇയാള്‍ക്കെതിരെ പൊലീസ് കേസെടുത്തിരിക്കുന്നത്.