ന്യൂദല്‍ഹി: ജാതി സെന്‍സസിനെ ബിജെപി എതിര്‍ക്കില്ലെന്ന് കേന്ദ്ര ആഭ്യന്തര മന്ത്രി അമിത് ഷാ വെളിപ്പെടുത്തി. വിഷയത്തില്‍ കൃത്യമായ ആലോചനയ്‌ക്ക് ശേഷമേ തീരുമാനമെടുക്കാനാകൂ എന്നും അദ്ദേഹം പറഞ്ഞു.
വോട്ടിനായി രാഷ്‌ട്രീയം കളിക്കില്ലെന്നും അമിത് ഷാ പറഞ്ഞു.ഉത്തര്‍പ്രദേശില്‍ ജാതി സെന്‍സസ് നടത്തുന്നതിനെ അമിത് ഷായും ബി ജെ പി ദേശീയ അധ്യക്ഷനും ബിജെപി നേതാക്കളോട് അഭിപ്രായം തേടിയിരുന്നു.
ജാതി സെന്‍സസ് നടത്തണമെന്ന ആവശ്യം ഉയര്‍ത്തി കോണ്‍ഗ്രസ് മുന്നോട്ട് വന്നിരുന്നു. തെരഞ്ഞെടുപ്പില്‍ ഇക്കാര്യം ചര്‍ച്ചാ വിഷയമാക്കാനാണ് കോണ്‍ഗ്രസിന്റെയും ഐ എന്‍ ഡി ഐ എ മുന്നണിയുടെയും നീക്കം. ഈ പശ്ചാത്തലത്തിലാണ് അമിത് ഷായുടെ പ്രതികരണം.
പ്രതികരിക്കാൻ ഇവിടെ എഴുതുക: