കോഴിക്കോട്: പലസ്തീന് ഐക്യദാര്‍ഢ്യം പ്രഖ്യാപിച്ചുകൊണ്ട് സിപിഎം നടത്തുന്ന റാലിയില്‍ പങ്കെടുക്കാനൊരുങ്ങി മുസ്ലീം ലീഗ്. സിപിഎമ്മിന്റെ പലസ്തീന് ഐക്യദാര്‍ഢ്യ റാലിയിലേക്ക് ലീഗിനെ ക്ഷണിച്ചാല്‍ ഉറപ്പായും പങ്കെടുക്കുമെന്ന് ദേശീയ സെക്രട്ടറി ഇ ടി മുഹമ്മദ് ബഷീര്‍ എം പി കഴിഞ്ഞ ദിവസം പറഞ്ഞിരുന്നു.
നവംബര്‍ 11ന് കോഴിക്കോട് സരോവരം ട്രേഡ് സെന്ററിലാണ് സിപിഎമ്മിന്റെ നേതൃത്വത്തില്‍ പലസ്തീന് ഐക്യദാര്‍ഢ്യ റാലി. മുഖ്യമന്ത്രി പിണറായി വിജയനാണ് റാലി ഉദ്ഘാടനം ചെയ്യുന്നത്. സിപിഎമ്മിന്റെ മുതിര്‍ന്ന നേതാവ് എ.കെ. ബാലാന്‍ ഇതിനോടകം തന്നെ ലീഗില്‍ നിന്ന് അനുകൂല നിലപാടാണ് ഉണ്ടായതെന്ന് വ്യക്തമാക്കി.
സമസ്ത ഉള്‍പ്പെടെയുളള ഭൂരിഭാഗം മുസ്ലിം സംഘടനകളെയും പരിപാടിയിലേക്ക് ക്ഷണിക്കുന്നുണ്ട്. എന്നാല്‍ ഈ പരിപാടിയിലേക്ക് കോണ്‍ഗ്രസിനെ ഇതുവരെ ക്ഷണിച്ചിട്ടില്ല. സിപിഎമ്മിന്റെ ഇരട്ടതാപ്പ് നയം ഈ വിഷയത്തിനും പ്രകടമാണ്. മുസ്ലിം ലീഗ് റാലിയില്‍ തരൂര്‍ നടത്തിയ പ്രസംഗം ചൂണ്ടിക്കാട്ടിയാണ് കോണ്‍ഗ്രസിനെ മാറ്റി നിര്‍ത്തുന്നത്.
എന്നാല്‍ ആ പരിപാടിയുടെ സംഘാടകരായ ലീഗിനോട് വ്യത്യസ്തമായ സമീപനമാണ് പാര്‍ട്ടി സ്വീകരിക്കുന്നത്. അതേസമയം രമേശ് ചെന്നിത്തലയും വി.ഡി. സതീശനും അടക്കുള്ള കോണ്‍ഗ്രസ് നേതാക്കള്‍ ലീഗ് നേതാക്കളെ വിളിച്ച് പ്രതിഷേധം അറിയിച്ചു.
പ്രതികരിക്കാൻ ഇവിടെ എഴുതുക: