ശ്രീനഗർ: ബംഗ്ലാദേശ് അതിർത്തി മുഖേന കടത്താൻ ശ്രമിച്ച സ്വർണം പിടികൂടി. ബംഗ്ലാദേശിൽ നിന്നും ഇന്ത്യയിലേക്ക് 60 സ്വർണ ബിസ്‌ക്കറ്റുകൾ കടത്താൻ ശ്രമിച്ച ട്രക്ക് ഡ്രൈവറെയാണ് പിടികൂടിയത്. അതിർത്തി സുരക്ഷാ സേനയാണ് പ്രതിയെ പിടികൂടിയത്. സൂരജ് മാഗ് എന്ന 23-കാരനാണ് അറസ്റ്റിലായത്.
രഹസ്യ വിവരത്തെ തുടർന്ന് നടത്തിയ പരിശോധനയിലാണ് പ്രതി പിടിയിലായത്. ട്രക്കിന്റെ ക്യാബിനുള്ളിൽ വെള്ള ടേപ്പിലാക്കി പൊതിഞ്ഞ നിലയിലായിരുന്നു സ്വർണ ബിസ്‌ക്കറ്റുകൾ. ഏഴ് കിലോയോളം സ്വർണ ബിസ്‌ക്കറ്റുകൾ കണ്ടെടുത്തു. ഇതിന് ഏകദേശം 4.33 കോടി രൂപ വില മതിക്കും.
പ്രതികരിക്കാൻ ഇവിടെ എഴുതുക: