ലണ്ടന്‍: യൂറോപ്യന്‍ ഫു്ടബോളില്‍ വിവിധ ടൂര്‍ണമെന്റുകളുടെ നോക്കൗട്ടുകളിലായി മൂന്ന് വമ്പന്‍ ക്ലബ്ബുകള്‍ തോറ്റ് പുറത്തായി. ഇംഗ്ലണ്ടിലെ ഇഎഫ്എല്‍ കപ്പ് ഫുട്‌ബോളിന്റെ പ്രീക്വാര്‍ട്ടര്‍ മത്സരത്തില്‍ പരാജയപ്പെട്ട് മാഞചസ്റ്റര്‍ യുണൈറ്റഡും ആഴ്‌സനലും പുറത്തായി. ജര്‍മന്‍ കപ്പിനായി പോരാടിയ ബയേണ്‍ മ്യൂണിക് രണ്ടാം റൗണ്ട് മത്സരത്തിലാണ് പരാജയപ്പെട്ടത്.
ദുര്‍ബലരായ സാര്‍ബ്ര്യൂക്കെണിനോടാണ് ബയേണ്‍ ഞെട്ടിക്കുന്ന തോല്‍വി ഏറ്റുവാങ്ങിയത്. അവരുടെ തട്ടകത്തില്‍ നടന്ന ജര്‍മന്‍ കപ്പിന്റെ രണ്ടാം റൗണ്ട് മത്സരത്തില്‍ 2-1നായിരുന്നു ജര്‍മനിയുടെ തോല്‍വി.
ഇഎഫ്എല്‍ കപ്പ് പ്രീക്വാര്‍ട്ടറില്‍ മാഞ്ചസ്റ്റര്‍ യുണൈറ്റഡിനെ ന്യൂകാസിലാണ് തകര്‍ത്തത്. എതിരില്ലാത്ത മൂന്ന് ഗോളിനാണ് ന്യൂകാസില്‍ വമ്പന്‍മാരെ മുട്ടുകുത്തിച്ചത്. ആദ്യ പകുതിയില്‍ രണ്ട് ഗോളിന് ലീഡ് ചെയ്ത അവര്‍ രണ്ടാം പകുതിയില്‍ ഒരു ഗോള്‍ കൂടി നേടി. മിഗ്വേല്‍ അല്‍മിറോന്‍(28-ാം മിനിറ്റ്), ലെവിസ് ഹാള്‍(36), ജോ വില്ലോക്ക്(60) എന്നിവരാണ് ന്യൂകാസിലിന് വേണ്ടി സ്‌കോര്‍ ചെയ്തത്.
മറ്റൊരു പ്രീക്വാര്‍ട്ടര്‍ പോരില്‍ ആഴസനലിനെ തോല്‍പ്പിച്ചത് വെസ്‌ററ് ഹാം യുണൈറ്റഡ് ആണ്. 3-1നായിരുന്നു വെസ്റ്റ്ഹാം വിജയം. ദാന ഗോളിലൂടെ 16-ാം മിനിറ്റില്‍ മുന്നിലെത്തിയ വെസ്റ്റ് ഹാം രണ്ടാം പകുതിയില്‍ രണ്ട് ഗോളുകള്‍ കൂടി നേടി. കളി അവസാനിക്കുന്നതിന് തൊട്ടുമുമ്പാണ് ആഴ്‌സനല്‍ ആശ്വാസഗോള്‍ നേടിയത്.
പ്രതികരിക്കാൻ ഇവിടെ എഴുതുക: