വഴി നിഷേധിക്കരുത് ഞാനും കേസ് കൊടുക്കും. ദയവായി, വഴി തടയരുത്. മുന്നോട്ടുപോകാൻ എനിക്കും അവകാശമുണ്ട്. ക്ലോസ് അറിയണോ?’ എന്നായിരുന്നു സുരേഷ് ഗോപിയുടെ പ്രതികരണം. വഴിതടഞ്ഞാൽ താനും കേസ് കൊടുക്കുമെന്ന് മാദ്ധ്യമ പ്രവർത്തകരോട് സുരേഷ് ഗോപി.
തൃശൂരിൽ ഒരു പൊതുപരിപാടിയിൽ പങ്കെടുത്ത് മടങ്ങുന്നതിനിടെയിലാണ് സംഭവം.മാദ്ധ്യമ പ്രവർത്തകയോട് അപമര്യാദയായി പെരുമാറിയെന്ന പരാതിയിൽ സുരേഷ് ഗോപിയ്‌ക്കെതിരെ പോലീസ് കേസെടുത്ത് അന്വേഷണം ആരംഭിച്ചിരുന്നു. കേസിൽ മാദ്ധ്യമ പ്രവർത്തക പോലീസിന് മൊഴി നൽകിയിരുന്നു.
കോഴിക്കോട് നടക്കാവ് പോലീസാണ് മൊഴി രേഖപ്പെടുത്തിയത്. അന്വേഷണത്തിന് ശേഷം സുരേഷ് ഗോപിയ്‌ക്ക് സ്‌റ്റേഷനിൽ ഹാജരാകാൻ നോട്ടീസ് നൽകും.കോഴിക്കോട് മാധ്യമങ്ങളോട് പ്രതികരിക്കവെയാണ് ചോദ്യങ്ങൾ ചോദിച്ച മാദ്ധ്യമപ്രവർത്തകയുടെ തോളിൽ സുരേഷ് ഗോപി കൈവെച്ചത്.
സംഭവത്തിൽ സുരേഷ് ഗോപിയ്‌ക്കെതിരെ പോലീസ് അന്വേഷണം തുടരുകയാണ്. ഇതിന്റെ വീഡിയോ സോഷ്യൽ മീഡിയയിൽ പ്രചരിച്ചിരുന്നു. സുരേഷ് ഗോപിയുടെ കൈ മാധ്യമപ്രവർത്തക എടുത്ത് മാറ്റുന്നതും ദൃശ്യങ്ങളിൽ കാണാമായിരുന്നു. സംഭവം വിവാദമായതോടെയാണ് സുരേഷ് ഗോപി മാപ്പ് പറഞ്ഞ് രംഗത്തെത്തിയിരുന്നു.
പ്രതികരിക്കാൻ ഇവിടെ എഴുതുക: