തിരുവനന്തപുരം: കേരളത്തിലെ പിണറായി സര്‍ക്കാരും പോലീസും സ്വീകരിക്കുന്ന നിലപാട് ജിഹാദി മനോനിലക്കാരെ പ്രോത്സാഹിപ്പിക്കുന്നതാണെന്ന് യുവമോര്‍ച്ച സംസ്ഥാന പ്രസിഡന്റ് സി.ആര്‍ പ്രഫുല്‍ കൃഷ്ണന്‍ പറഞ്ഞു.
കേന്ദ്ര മന്ത്രി രാജീവ് ചന്ദ്രശേഖറിനും ബി.ജെ.പി ദേശീയ സെക്രട്ടറി അനില്‍ ആന്റണിക്കുമെതിരായ കേസുകള്‍ പിണറായി സര്‍ക്കാരിന്റെ ഭീകരവാദത്തോടുള്ള മൃദുസമീപനം തുറന്ന് കാട്ടുന്നതാണ്.
ഈ കേസുകള്‍ ഹമാസ്-താലിബാന്‍ മനോനിലക്കാര്‍ക്ക് സന്തോഷം പകരുന്നതാണെന്ന് ആര്‍ക്കാണ് അറിയാത്തതെന്നും അദ്ദേഹം ചോദിച്ചു. ഈ കേസുകളെ നിയമപരമായും രാഷ്‌ട്രീയമായും നേരിടാന്‍ സംഘടനയ്‌ക്ക് അറിയാമെന്നും അദ്ദേഹം കൂട്ടിച്ചേര്‍ത്തു. ഹിന്ദുത്വത്തെ ബുള്‍ഡോസ് ചെയ്യുമെന്ന് പറയുന്ന സോളിഡാരിറ്റിയുടെ വര്‍ഗീയ വിദ്വേഷം പിണറായി പോലീസ് കാണുന്നില്ലെന്നും അദ്ദേഹം കൂട്ടിച്ചേര്‍ത്തു.
പാലസ്തീന് ഐക്യദാര്‍ഢ്യപ്പെടാന്‍ എന്തിനാണ് ഹിന്ദുത്വത്തെ ബുള്‍ഡോസ് ചെയ്യുന്നതെന്നും അദ്ദേഹം ചോദിച്ചു. ഇങ്ങനെ വ്യക്തമായി വര്‍ഗീയ സംഘര്‍ഷത്തിന് കോപ്പു കൂട്ടുന്ന സോളിഡാരിറ്റിയെ നിലയ്‌ക്ക് നിര്‍ത്താനുള്ള ആര്‍ജ്ജവം പോലും മുഖ്യമന്ത്രി പിണറായി വിജയനില്ലെന്നും പ്രഫുല്‍ കൃഷ്ണന്‍ ആരോപിച്ചു.
പ്രതികരിക്കാൻ ഇവിടെ എഴുതുക: