തിരുവനന്തപുരം: സുരേഷ് ഗോപിയെ സ്ത്രീലമ്പടനായി ചിത്രീകരിക്കാനുള്ള സൈബര് സഖാക്കളുടെ ശ്രമത്തിനിടയില് സുരേഷ് ഗോപി മരിച്ചുപോയ തന്റെ മകള് ലക്ഷ്മിയെക്കുറിച്ച് പറഞ്ഞ വാക്കുകള് വൈറലാവുകയാണ്. സുരേഷ് ഗോപി മകളെക്കുറിച്ച് പറയുന്ന വോയ് സ് ക്ലിപ്പാണ് സമൂഹമാധ്യമങ്ങളില് പ്രചരിക്കുന്നത്.
“എനിക്കിത് വലിയ ഒബ്സഷനാ. പ്രത്യേകിച്ചും പെണ്കുട്ടികള്. ലക്ഷ്മിയുടെ ഒരു ലോസ് എന്ന് വെച്ചാല് എന്നെ മരിച്ച് പട്ടടയില് കൊണ്ടുവെച്ച് കത്തിച്ച് കഴിഞ്ഞാല് ആ ആഷസിന് (ചാരത്തിന്) പോലും ആ വേദനയുണ്ടാകും’. – സുരേഷ് ഗോപി ഒരു അഭിമുഖത്തില് പറഞ്ഞ വാക്കുകളാണിത്.
“എന്റെ മോളിപ്പോള് ഉണ്ടെങ്കില് 32 വയസ്സാണ്. അതുകൊണ്ടാണ് 30 വയസ്സായ പെണ്കുട്ടികളെ കാണുമ്പോള് അത് ഒരു ഒബ്സഷന് ആണ്.”- സുരേഷ് ഗോപി പഴയ അഭിമുഖത്തില് മകളെക്കുറിച്ച് പറയുന്നു.
ഇതിനിടെ സുരേഷ് ഗോപിയുടെ ഭാര്യ രാധിക പറയുന്ന വാക്കുകളും പ്രാധാന്യം നേടുകയാണ്. “സുരേഷ് ഗോപിയെ അറിയുന്നവര്ക്ക് അറിയാം യാഥാര്ത്ഥ്യം എന്താണെന്ന്. മകളോടെന്ന പോലെയുള്ള വാത്സല്യത്തില് കവിഞ്ഞ യാതൊന്നും താന് അതില് കാണുന്നില്ല. അദ്ദേഹത്തെ അറിയാത്തവരാണ് വിമര്ശനവുമായി വരുന്നത്. അദ്ദേഹത്തിന് അത് തെളിയിക്കാനാവുമെന്ന വിശ്വാസത്തിലാണ് താന്.” -രാധിക പറഞ്ഞു.
അതേ സമയം സമൂഹമാധ്യമങ്ങളിലെ ഇടത് സൈബര് ഇടങ്ങളില് ലോകത്തിലെ നമ്പര് വണ് ക്രിമിനല് ആണ് ഇപ്പോള് സുരേഷ് ഗോപി. സുരേഷ് ഗോപി സ്ത്രീലമ്പടനാണ് എന്നുവരെ പ്രചരിക്കുന്നുണ്ട്.
സുരേഷ് ഗോപി ബിജെപിക്കാരനായി എന്നതും കരുവന്നൂര് ബാങ്ക് തട്ടിപ്പിനെതിരെ യാത്ര നയിച്ചു എന്നതുമാണ് ഇത്ര പ്രതികാരദാഹത്തോടെ അദ്ദേഹത്തിനെതിരെ 354 എ വകുപ്പനുസരിച്ച് തിരക്കിട്ട് കേസെടുത്തതിനും വനിതാ കമ്മീഷന് ഈ കേസില് സജീവമായി ഇടപെടല് നടത്തുന്നതിനും പിന്നിലെന്ന് രാഷ്ട്രീയ നിരീക്ഷകര് ചൂണ്ടിക്കാട്ടുന്നു. .
.
