സർവ്വകാല റെക്കോർഡിട്ട് സ്വർണവില

തിരുവനന്തപുരം: സംസ്ഥാനത്ത് ഇന്ന് സ്വർണവിലയിൽ വർദ്ധനവ്. സർവ്വകാല റെക്കോഡിലേക്കാണ് സ്വർണവില ഇന്ന് എത്തിയിരിക്കുന്നത്. ഇന്ന് ഒരു പവൻ സ്വർണത്തിന് വിപണിയിൽ 480 രൂപയാണ് വർദ്ധിച്ചിരിക്കുന്നത്. ഒരു പവൻ സ്വർണത്തിന് ഇന്ന് വിപണിയിൽ 45,920 രൂപയാണ് വില. കഴിഞ്ഞ മെയ് അഞ്ചിനായിരുന്നു സംസ്ഥാനത്ത് സ്വർണവില ഏറ്റവും ഉയർന്ന വിലയിലെത്തിയത്. അന്ന് ഒരു പവൻ സ്വർണത്തിന് 45,760 രൂപയായിരുന്നു വില.

ഇന്ന് ഒരു ഗ്രാം 22 കാരറ്റ് സ്വർണത്തിന് വിപണിയിൽ 60 രൂപയാണ് വർദ്ധിച്ചിരിക്കുന്നത്. ഒരു ഗ്രാം 22 കാരറ്റ് സ്വർണത്തിന് ഇന്ന വിപണിയിൽ 5,740 രൂപയാണ് വില. ഒരു ഗ്രാം 18 കാരറ്റ് സ്വർണത്തിന് ഇന്ന് വിപണിയിൽ 4,578 രൂപയാണ് വില.