ചങ്ങനാശ്ശേരി: അപകടക്കെണിയില്‍ തെങ്ങണ-കുന്നുംപുറം റോഡ്. തകര്‍ന്നു കിടക്കുന്ന പുലിക്കോട്ടു പടി റോഡില്‍ ബിജെപി വാഴ നട്ടു പ്രതിഷേധിച്ചു. ഏത് സമയത്തും അപകടം ഉണ്ടാകാവുന്ന വിധത്തിലാണ് റോഡിന്റെ അവസ്ഥ. തെങ്ങണ മുതല്‍ കുന്നുംപുറം വരെയാണ് റോഡില്‍ വലിയകുഴികള്‍ രൂപപ്പെട്ടിരിക്കുന്നത്. ടൂവീലര്‍ യാത്രക്കാരാണ് കൂടുതല്‍ അപകടത്തില്‍പ്പെടുന്നത്. വാഹനം അടുത്ത് വരുമ്പോള്‍ മാത്രമാണ് വന്‍ ഗര്‍ത്തങ്ങള്‍ കാണുന്നത്.
തകര്‍ച്ചയിലായ റോഡ് സഞ്ചാരയോഗ്യമാക്കണമെന്നാവശ്യപ്പെട്ട് ബിജെപി 106-ാം നമ്പര്‍ ബൂത്ത് കമ്മറ്റിയുടെ ആഭിമുഖ്യത്തില്‍ റോഡില്‍ വാഴ നട്ടു പ്രതിഷേധിച്ചു. മണ്ഡലം ജനറല്‍ സെക്രട്ടറി കെ.കെ. സുനില്‍, എം.എസ്. വിശ്വനാഥന്‍, ഒ.ടി. സുനില്‍, വിജേഷ് ആരമല തുടങ്ങിയവര്‍ പങ്കെടുത്തു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: