ബംഗളുരു : ചന്ദ്രയാന് മൂന്ന് ദൗത്യത്തില് പ്രതീക്ഷ നിലനില്ക്കുന്നുണ്ടെന്നും പുനുരുജ്ജീവനത്തിനുള്ള ശ്രമങ്ങള് തുടരുമെന്നും ഐഎസ്ആര്ഒ.
ചന്ദനില് 14 ദിവസം നീണ്ടു നിന്ന പകലിന് ശേഷം ഇരുട്ട് വീണപ്പോള് സ്ലീപ് മോഡിലേക്ക് പോയ റോവറനിനെയും ലാന്ഡറിനെയും വീണ്ടും ഉണര്ത്താന് ശ്രമിച്ചെങ്കിലും വിജയിച്ചില്ല. ഉയര്ന്ന റേഡിയേഷനും തണുപ്പും ബാറ്ററി റീചാര്ജിംഗിന് പ്രയാസം സൃഷ്ടിക്കുന്നുവെന്നാണ് ഐഎസ്ആര്ഒ പറയുന്നത്.
സോഫ്റ്റ് ലാന്ഡിംഗിനെ തുടര്ന്ന് ചന്ദ്രോപരിതലത്തില് ഗര്ത്തമുണ്ടായെന്നും പേടകം ഇറങ്ങിയ ശിവശക്തി പോയിന്റില് 108.4 സ്ക്വയര് മീറ്റര് ചുറ്റളവില് പൊടി അകന്നുമാറിയെന്നും ഐ എസ് ആര് ഒ അറിയിച്ചു . 2.06 ടണ് പൊടിയാണ് അകന്നുമാറിയത്. സോഫ്റ്റ് ലാന്ഡിംഗിനു മുന്പും ശേഷവും ഓര്ബിറ്റര് ഹൈ റസലൂഷന് ക്യാമറ പകര്ത്തിയ ദൃശ്യങ്ങള് വിശകലനം ചെയ്താണ് ഇത് കണ്ടെത്തിയത്.
ജൂലൈ 14-നാണ് ആന്ധ്രാപ്രദേശിലെ ശ്രീഹരിക്കോട്ടയിലെ സതീഷ് ധവാന് വിക്ഷേപണ കേന്ദ്രത്തില് നിന്നും ചന്ദ്രയാന് 3 വിക്ഷേപിച്ചത്. അത് ഓഗസ്റ്റ് 23ന് ചന്ദ്രനില് സോഫ്റ്റ് ലാന്ഡിംഗ് നടത്തി.
ചന്ദ്രന്റെ ദക്ഷിണധ്രുവത്തിലെ ‘ശിവശക്തി പോയിന്റില്’ ആണ് വിക്രം ലാന്ഡറും പ്രഗ്യാന് റോവറും സോഫ്റ്റ് ലാന്ഡിംഗ് നടത്തിയത്.കൃത്യം 10 ഭൗമദിനങ്ങള് പ്രവര്ത്തിച്ച് ലാന്ഡറും റോവറും ഭൂമിയിലേക്ക് സന്ദേശങ്ങള് കൈമാറി. സെപ്റ്റംബര് നാലിന് ലാന്ഡറും റോവറും സ്ലീപ് മോഡിലേക്ക് പ്രവേശിച്ചു. എന്നാല് ചന്ദ്രനിലെ അടുത്ത സൂര്യോദയത്തില് ലാന്ഡറിനെയും റോവറിനെയും ഉണര്ത്താന് ശ്രമിച്ചിരുന്നെങ്കിലും സിഗ്നലുകള് ലഭിച്ചില്ല.
ചന്ദ്രയാന് മൂന്നിന് ഒരു തിരിച്ചുവരവുണ്ടാകുമോ? ചന്ദ്രനിലെ താപനില, പ്രകമ്പനങ്ങള്, മൂലക സാന്നിധ്യം എന്നിങ്ങനെ നിരവധി വിലപ്പെട്ട വിവരങ്ങള് ദൗത്യം വിജയകരമായി കൈമാറി. വീണ്ടും ലാന്ഡറും റോവറും സ്ലീപ് മോഡില് നിന്ന് ഉണര്ന്നാല് ചന്ദ്രനില് ദൗത്യം തുടരാന് സാധിക്കുമെന്ന പ്രതീക്ഷയിലാണ് ശാസ്ത്രജ്ഞര്.
ചന്ദ്രനില് ഇടയ്ക്കിടെ ഉണ്ടാകുന്ന മൈക്രോമെറ്ററോയ്ഡ് പ്രതിഭാസവും ചന്ദ്രയാന് 3ന് ഭീഷണിയാണെന്നാണ് റിപ്പോര്ട്ടുകള്. ചാന്ദ്ര ?ഗുരുത്വാകര്ഷണത്തിന്റെ സ്വാധീനത്തില് ചന്ദ്രോപരിതലത്തില് ഇടിക്കുന്ന ചെറിയ ഉല്ക്കശിലകളാണിവ. അമേരിക്കയുടെ അപ്പോളോ ഉള്പ്പെടെയുള്ള മുന് ചാന്ദ്രദൗത്യങ്ങള് മൈക്രോമെറ്ററോയ്ഡ് നാശനഷ്ടങ്ങള് വരുത്തിയിരുന്നു. എന്നാല് ചന്ദ്രയാന് ദൗത്യം തിരികെ എപ്പോള് പ്രര്ത്തിച്ചുതുടങ്ങുമെന്നതില് കൃത്യമായി പറയാന് കഴിയില്ല.
