പള്ളിക്കത്തോട്: സിബിഎസ്ഇ കോട്ടയം സഹോദയ സ്‌കൂള്‍ കലോത്സവം ഭവ്യം-2023ന് പള്ളിക്കത്തോട് അരവിന്ദ വിദ്യാമന്ദിരത്തില്‍ തിരി തെളിഞ്ഞു. പ്രശസ്ത സിനിമ താരം ജയരാജ് വാര്യര്‍ ഉദ്ഘാടനം ചെയ്തു. മൂന്നു ദിവസം നീണ്ടു നില്‍ക്കുന്ന കലയുടെ ഉത്സവത്തിനാണ് തുടക്കമായത്. അരവിന്ദ വിദ്യാമന്ദിരം സ്‌കൂള്‍ വിദ്യാര്‍ഥികള്‍ അവതരിപ്പിച്ച സ്വാഗത നൃത്തത്തോടെയാണ് ഭവ്യം-2023ന് തുടക്കമായത്. അനീഷ് ആനിക്കാട് രചിച്ച് പ്രശസ്ത ഗായിക ദുര്‍ഗ വിശ്വനാഥ് ആലപിച്ച സ്വാഗത ഗാനവുമായി നടന്ന നൃത്ത ആസ്വാദകരുടെ മനം കവര്‍ന്നു. 20 കലാവേദികളിലായി 46 ഇനങ്ങളിലാണ് ആദ്യ ദിനത്തില്‍ മത്സരങ്ങള്‍ അരങ്ങേറിയത്. വെള്ളിയാഴ്ച 34 ഇനങ്ങളില്‍ മത്സരങ്ങള്‍ നടക്കും. കോട്ടയം, ഇടുക്കി, പത്തനംതിട്ട ജില്ലകളിലെ 110 സ്‌കൂളുകളില്‍ നിന്നുള്ള 5300 കലാപ്രതിഭകളാണ് പങ്കെടുക്കുന്നത്.
ജന്മഭൂമി ഓണ്‍ലൈന്‍