ഇന്ത്യന്‍ സിനിമാ രംഗത്തെ പ്രമുഖരാണ് കപൂര്‍ കുടുംബം. രാജ് കപൂറില്‍ തുടങ്ങി പൃഥ്വിരാജ് കപൂര്‍, ശശി കപൂര്‍, ഷമ്മി കപൂര്‍, ഋഷി കപൂര്‍, എന്നിങ്ങനെ രണ്‍ബീര്‍ കപൂര്‍, രണ്‍വീര്‍ കപൂര്‍ വരെ എത്തിനില്‍ക്കുകയാണ് കപൂര്‍ പെരുമ. നടിമാരായ കരിഷ്മ കപൂര്‍, കരീന കപൂര്‍ എന്നിവരും ഈ കുടുംബത്തിലുളളവരാണ്.
ഇപ്പോള്‍, മുത്തച്ഛന്‍ രാജ് കപൂര്‍ ചിത്രീകരണത്തിനിടെ നായികയോട് കാട്ടിയ കുസൃതിയെ കുറിച്ച് കരിഷ്മ വെളിപ്പെടുത്തിയതെന്തെന്ന് സംവിധായകന്‍ ധര്‍മ്മേഷ് ദര്‍ശന്‍ അഭിമുഖത്തില്‍ പറഞ്ഞതാണ് സിനിമാ ആരാധകരുടെ ശ്രദ്ധ നേടിയത്.
കരിഷ്മയും ആമിര്‍ ഖാനും തന്റെ 1996-ലെ ഹിറ്റ് റൊമാന്റിക് ചിത്രമായ രാജാ ഹിന്ദുസ്ഥാനിയിലെ തേരേ ഇഷ്‌ക് മേ നാച്ചെംഗേ എന്ന ഗാനം ചിത്രീകരിക്കുമ്പോള്‍, ആമിറിന്റെ മദ്യപിച്ച കഥാപാത്രം കരിഷ്മയുടെ തലമുടി പിടിച്ചു വലിക്കുന്ന ഒരു രംഗം ഉണ്ടായിരുന്നുവെന്ന് ധര്‍മ്മേഷ് അനുസ്മരിച്ചു. എന്നാല്‍ കരിഷ്മയുടെ കൈയില്‍ പിടിച്ച് വലിക്കാമെന്ന് ആമിര്‍ പറഞ്ഞതിനോട് സംവിധായകനും യോജിച്ചു.
എന്നാല്‍ ആമിര്‍ തന്റെ മുടിയില്‍ പിടിച്ച് വലിക്കണമെന്ന് കരിഷ്മ നിര്‍ബന്ധം പിടിച്ചെന്ന് കരിഷ്മ നിര്‍ബന്ധം പിടിക്കുകയായിരുന്നു. കരിഷ്മ തന്നെ ഒരു മൂലയിലേക്ക് മാറ്റി നിര്‍ത്തി ആ രംഗം വേണമെന്ന് നിര്‍ബന്ധിച്ചു.കാരണം മുത്തച്ഛനായ രാജ് കപൂര്‍ നായികയുടെ മുടിയില്‍ പിടിച്ചു വലിക്കുന്നത് കുഞ്ഞായിരുന്നപ്പോള്‍ കണ്ട ഓര്‍മ്മയുണ്ട് കരിഷ്മയ്ക്ക്.
സിനിമയില്‍ ആമിറും കരിഷ്മയും തമ്മിലുളള ഏറെ ചര്‍ച്ച ചെയ്യപ്പെട്ട, നീണ്ട ചുംബന രംഗത്തെ കുറിച്ചും ധര്‍മ്മേഷ് ദര്‍ശന്‍ അതേ അഭിമുഖത്തില്‍ പറഞ്ഞു. ഈ രംഗത്തെ കുറിച്ച് തന്റെ അമ്മയും മുന്‍കാല നടിയുമായ ബബിതയോട് പറയണമെന്ന് കരിഷ്മ ആവശ്യപ്പെട്ടതായി സംവിധായകന്‍ വെളിപ്പെടുത്തി. ബബിതയെ ഈ രംഗം ചിത്രീകരിക്കുന്നത് കാണാന്‍ ക്ഷണിക്കുകയും ചെയ്തു.
രാജ് കപൂറിന്റെ മൂത്ത മകനായ നടന്‍ രണ്‍ധീര്‍ കപൂറിന്റെ മകളാണ് കരിഷ്മ.
ബ്രൗണ്‍, മര്‍ഡര്‍ മുബാറക് എന്നീ ചിത്രങ്ങളിലാണ് കരിഷ്മ അടുത്തതായി അഭിനയിക്കുന്നത്.
പ്രതികരിക്കാൻ ഇവിടെ എഴുതുക: