കൊച്ചി: കൊച്ചി ശാസ്ത്ര സാങ്കേതിക സര്വകലാശാലയുടെ സിന്ഡിക്കേറ്റംഗമായ ഡോ. ശ്രീജിത്ത് പി. എസ്. അമേരിക്കയിലെ സ്റ്റാന്ഫോര്ഡ് സര്വകലാശാല പുറത്തിറക്കിയ ലോകത്തിലെ മികച്ച 2% ശാസ്ത്രജ്ഞരുടെ 2023 ലെ പട്ടികയില് ഇടം നേടി.
എന്ജിനീയറിങ് വിഭാഗത്തിലാണ് അദ്ദേഹത്തിന് ഈ നേട്ടം കൈവരിക്കാനായത്. തുടര്ച്ചയായി മൂന്ന് വര്ഷങ്ങളില് അദ്ദേഹം ഈ പട്ടികയില് സ്ഥാനം നേടിയിട്ടുണ്ട്. കുസാറ്റ് സ്കൂള് ഓഫ് എന്ജിനീയറിങ്, കൊച്ചിന് യൂണിവേഴ്സിറ്റി കോളജ് ഓഫ് കുട്ടനാട് എന്നിവിടങ്ങളില് പ്രിന്സിപ്പലായി സേവനമനുഷ്ഠിച്ചിട്ടുള്ള അദ്ദേഹം ഐഎച്ച്ആര്ഡി ഡയറക്ടറുമായിരുന്നു.
കുസാറ്റിന്റെ ഫാക്കല്റ്റി ഓഫ് എന്ജിനീയറിങ് ഡീനായിരുന്ന ശ്രീജിത്ത് നിലവില് കുസാറ്റ് സിന്ഡിക്കേറ്റംഗവും രാജഗിരി സ്കൂള് ഓഫ് എന്ജിനീയറിങ് ആന്ഡ് ടെക്നോളജി പ്രിന്സിപ്പലുമാണ്.
