കൊച്ചി: നവരാത്രിയോടനുബന്ധിച്ചുള്ള ദുര്‍ഗാഷ്ടമി ഇന്ന്. ഇന്നാണ് അക്ഷര ദേവതയായ സരസ്വതീദേവിക്കു മുന്നില്‍ പുസ്തകങ്ങളും തൊഴിലുപകരണങ്ങളും പൂജ വയ്‌ക്കുന്നത്. അജ്ഞാനമാകുന്ന അന്ധകാരം നീക്കി അറിവിന്റെ വെളിച്ചം പകരണമേയെന്നാണ് പ്രാര്‍ഥന.
നാളെ മഹാനവമി ദിവസമാണ് ആയുധപൂജ. പത്താം ദിവസമായ ചൊവ്വാഴ്ചയാണ്, വിജയദശമി. മഹിഷാസുരനെ ദുര്‍ഗാദേവി നിഗ്രഹിച്ച, തിന്മയ്‌ക്കുമേല്‍ നന്മ നേടിയ വിജയത്തെ അനുസ്മരിക്കുന്ന ദിനം. ഇന്ന് വൈകിട്ട് 5.14 മുതല്‍ 7.38 വരെയാണ് പൂജ വയ്പ്. ക്ഷേത്രങ്ങളിലും ആധ്യാത്മിക കേന്ദ്രങ്ങളിലും വീടുകളിലും ഗ്രന്ഥങ്ങള്‍ പൂജ വയ്‌ക്കും.
പ്രതികരിക്കാൻ ഇവിടെ എഴുതുക: