ആലത്തൂര്‍: സ്വച്ഛ് ഭാരത് കാമ്പെയ്‌നിന്റെ ഭാഗമായി കാവശ്ശേരി സബ് പോസ്റ്റ് ഓഫീസ് മതിലില്‍ പൂരത്തിന്റെ മനോഹര ചിത്രം വരച്ച് തപാല്‍ വകുപ്പ്. ജനങ്ങളില്‍ ശുചിത്വത്തെക്കുറിച്ചുള്ള സന്ദേശം എത്തിക്കുന്നതിനും ജീവിത പരിസരങ്ങള്‍ എങ്ങനെ വൃത്തിയായി സൂക്ഷിക്കണമെന്നും സൂചിപ്പിക്കുന്നതിനുമാണ് ചിത്രം വരച്ചത്.
സാധാരണക്കാര്‍ക്കു കൂടി മനസിലാക്കാനും ചിത്രം ശ്രദ്ധിക്കുന്നതിനുമാണ് കാവശ്ശേരിയുടെ ഉത്സവമായ പൂരത്തിന്റെ ചിത്രം തന്നെ വരച്ചതെന്ന് പാലക്കാട് പോസ്റ്റല്‍ അസി. സൂപ്രണ്ട് എന്‍. ഉണ്ണികൃഷ്ണന്‍ പറഞ്ഞു. പാലക്കാട് ഹെഡ് പോസ്റ്റ് ഓഫീസിലും, കാവശ്ശേരി സബ് പോസ്റ്റ് ഓഫീസിലുമാണ് ഇക്കുറി പദ്ധതി നടപ്പിലാക്കിയത്.
പ്രതികരിക്കാൻ ഇവിടെ എഴുതുക: