കുന്നംകുളം: ആറുതാരങ്ങള്‍ ട്രിപ്പിള്‍ സ്വര്‍ണം നേടിയ സംസ്ഥാന സ്‌കൂള്‍ കായികമേളയില്‍ വ്യക്തിഗത ചാമ്പ്യന്‍പട്ടം എട്ടുപേര്‍ക്ക്. സീനിയര്‍ ആണ്‍കുട്ടികളു
ടെ വിഭാഗത്തില്‍ മൂന്ന് പേര്‍ കിരീടം പങ്കിട്ടു.
കടകശേരി ഐഡിയലിന്റെ മുഹമ്മദ് മുഹ്സിന്‍ (ലോങ്ജമ്പ്, ഹൈജമ്പ്, ട്രിപ്പിള്‍ജമ്പ്), മാത്തൂര്‍ സിഎഫ്ഡിവിഎച്ച്എസ്എസിലെ അഭിരാം പി (3000, 1500, 800), ചിറ്റൂര്‍ ജിഎച്ച്എസ്എസിലെ ബിജോയ് ജെ എന്നിവരാണ് ട്രിപ്പിള്‍ തികച്ചത്. 400, 200, 400 മീറ്റര്‍ ഹര്‍ഡില്‍സ് ഇനങ്ങളില്‍ സ്വര്‍ണം നേടിയ പറളി സ്‌കൂളിന്റെ ജ്യോതിക എം പെണ്‍കുട്ടികളുടെ വിഭാഗം ചാമ്പ്യനായി.
1500, 800 മീറ്ററില്‍ സ്വര്‍ണം നേടിയ കല്ലടി സ്‌കൂളിന്റെ എ. അമൃതാണ് ജൂനിയര്‍ ആണ്‍കുട്ടികളുടെ ചാമ്പ്യന്‍. മലപ്പുറം തിരുനാവായ നാവാമുകുന്ദ സ്‌കൂളിന്റെ ആദിത്യ അജി (200, 100 മീറ്റര്‍ ഹര്‍ഡില്‍സ്) പെണ്‍കുട്ടികളുടെ വിഭാഗം ചാമ്പ്യനായി. സബ് ജൂനിയര്‍ ആണ്‍കുട്ടികളുടെ വിഭാഗത്തില്‍ കല്ലടി സ്‌കൂളിന്റെ അര്‍ഷാദ് അലി (200, 600, 400), പെണ്‍കുട്ടികളുടെ വിഭാഗത്തില്‍ കണ്ണൂര്‍ ജിവിഎച്ച്എസ്എസിലെ ദേവശ്രീ ടി.വി (100, 200, 80.മീ ഹര്‍ഡില്‍സ്) എന്നിവരും ട്രിപ്പിള്‍ നേട്ടത്തോടെ വ്യക്തിഗത ചാമ്പ്യന്‍പട്ടം സ്വന്തമാക്കി.
പ്രതികരിക്കാൻ ഇവിടെ എഴുതുക