പാലക്കാട്: ആറങ്ങോട്ടുകരയിൽ സാമൂഹികവിരുദ്ധർ വിദ്യാർത്ഥികളെ ആക്രമിച്ച സംഭവത്തിൽ അഞ്ച് പേർ അറസ്റ്റിൽ. ആറങ്ങോട്ടുകര സ്വദേശികളായ ജുനൈദ്, ജാബിർ, ജുബൈർ, രാഹുൽ, അബു എന്നിവരെയാണ് പിടികൂടിയത്. കൊലപാതക കേസിൽ പ്രതികളായ ജുനൈദ്, ജുബൈൻ എന്നിവരുടെ നേതൃത്വത്തിലാണ് വിദ്യാർത്ഥികളെ മർദ്ദിച്ചത്.
ഇന്നലെ വൈകിട്ട് ആറരയോടെയായിരുന്നു സംഭവം. മലപ്പുറം കുറ്റിപ്പുറം കെഎംസിടി കോളേജിൽ നിന്ന് പഠനയാത്ര കഴിഞ്ഞ് മടങ്ങവെയാണ് വിദ്യാർത്ഥികൾക്ക് നേരെ സാമൂഹ്യവിരുദ്ധരുടെ ആക്രമണം നടന്നത്. അദ്ധ്യാപകനെ ഇറക്കുന്നതിന് വേണ്ടി ആറങ്ങോട്ടുകരയിൽ ബസ് നിർത്തിയപ്പോൾ അക്രമികൾ ആക്രമണം നടത്തുകയായിരുന്നു.
വിദ്യാർത്ഥിനികളോട് മോശമായി സംസാരിച്ച സാമൂഹ്യവിരുദ്ധരെ സഹപാഠികൾ ചോദ്യം ചെയ്തു. ഇതോടെ വടിവാൾ ഉൾപ്പെടെയുള്ള ആയുധങ്ങൾ ഉപയോഗിച്ച് പ്രതികൾ വിദ്യാർത്ഥികൾക്ക് നേരെ തിരിയുകയായിരുന്നു. ബസ് ഉൾപ്പെടെ തല്ലി തകർക്കാൻ അക്രമി സംഘം ശ്രമിച്ചു.
പ്രതികരിക്കാൻ ഇവിടെ എഴുതുക: