പാലക്കാട്: പാലക്കാട് റെയില്‍വേ സ്‌റ്റേഷനില്‍ വന്‍ മയക്കുമരുന്ന് വേട്ട. കംപാര്‍ട്ട്‌മെന്റിലെ സീറ്റിനടിയില്‍ ഉപേക്ഷിക്കപ്പെട്ട നിലയില്‍ കണ്ടെത്തിയ ബാഗില്‍ നിന്ന് മാരക ലഹരി മരുന്നായ ഹെറോയിന്‍ കണ്ടെത്തി. 20 ലക്ഷം രൂപ വിലവരുന്ന 44 ഗ്രാം ഹെറോയിനാണ് പിടികൂടിയത്. വിവേക് എക്‌സ്പ്രസ്സ് ട്രെയിനില്‍നിന്നാണ് ഹെറോയിന്‍ കണ്ടെത്തിയത്.
സംശയത്തെ തുടര്‍ന്നാണ് ബാഗ് പരിശോധിച്ചത്. ബാഗിനുള്ളിലുണ്ടായിരുന്ന പാംപ്പേഴ്‌സ് പാക്കറ്റുകള്‍ക്കുള്ളില്‍ ഒളിപ്പിച്ചുവെച്ച നാലു സോപ്പ് പെട്ടികള്‍ക്കുള്ളിലായാണ് ഹെറോയിന്‍ കണ്ടെത്തിയത്. സോപ്പു പെട്ടിക്കുള്ളില്‍ പ്ലാസ്റ്റിക് കവറുകള്‍ക്കുള്ളില്‍ ഒളിപ്പിച്ച നിലയിലായിരുന്നു ഹെറോയിന്‍. ബാഗിന്റെ ഉടമയെ കണ്ടെത്തുന്നതിനുള്ള പരിശോധനകള്‍ ഊ4ജ്ജിതമാക്കിയതായി ആര്‍പിഎഫ്-എക്‌സ്സൈസ് വൃത്തങ്ങള്‍ അറിയിച്ചു.
പ്രതികരിക്കാൻ ഇവിടെ എഴുതുക: