തൃശ്ശൂര്‍: കഴിഞ്ഞ സാമ്പത്തിക വര്‍ഷം കെഎസ്എഫ്ഇ ആരംഭിച്ച സവിശേഷ ചിട്ടി പദ്ധതികളായ കെഎസ്എഫ്ഇ ഭദ്രതാ സ്മാര്‍ട്ട് ചിട്ടികള്‍ 2022, ലോ കീ ക്യാംപെയ്ന്‍ എന്നിവയില്‍ ചേര്‍ന്നിട്ടുള്ള വരിക്കാരില്‍ നിന്നും നറുക്കെടുപ്പിലൂടെ ബംപര്‍ സമ്മാനം കരസ്ഥമാക്കിയവര്‍ക്കുള്ള സമ്മാനങ്ങള്‍ ഒക്ടോബര്‍ 19ന് ഉച്ചയ്‌ക്ക് 2.30 ന് കൊട്ടാരക്കര ഹൈലാന്റ് ഹോട്ടല്‍ റിസോര്‍ട്ടില്‍ ചേരുന്ന സമ്മേളനത്തില്‍ വിതരണം ചെയ്യും.
സമ്മേളനത്തിന്റെ ഉദ്ഘാടനവും സമ്മാനവിതരണവും മന്ത്രി അഡ്വ. കെ.എന്‍. ബാലഗോപാല്‍ നിര്‍വഹിക്കും. പുനലൂര്‍ എംഎല്‍എ, പി.എസ്. സുപാല്‍ മുഖ്യാതിഥിയായിരിക്കും. കെഎസ്എഫ്ഇ ചെയര്‍മാന്‍ കെ. വരദരാജന്‍ അധ്യക്ഷത വഹിക്കുന്ന ചടങ്ങില്‍ മാനേജിങ് ഡയറക്ടര്‍ ഡോ.എസ്.കെ. സനില്‍ പങ്കെടുക്കും.
കെഎസ്എഫ്ഇ ഭദ്രതാ സ്മാര്‍ട്ട് ചിട്ടികളിലെ ബംപര്‍ സമ്മാനമായ ഒരു കോടി രൂപ വിലമതിക്കുന്ന ~ാറ്റിന് അര്‍ഹനായത് കൊല്ലം ജില്ലയിലെ കരവാളൂര്‍ ശാഖയിലെ വരിക്കാരനായ ജയകുമാര്‍ ടി.എസ്. ആണ്. ലോ കീ ക്യാംപെയ്‌നിലെ ബംപര്‍ സമ്മാനമായ 25 പവന്‍ സ്വര്‍ണത്തിന് അര്‍ഹനായത്. തൃശ്ശൂര്‍ ജില്ലയിലെ എടമുട്ടം ശാഖയിലെ വരിക്കാരനായ നൗഷാദ് ടി. എ. മറ്റ് മേഖലാ തല സമ്മാനങ്ങള്‍ അതാത് മേഖലാ ഓഫീസുകളില്‍വച്ച് വിതരണം ചെയ്യും.
പ്രതികരിക്കാൻ ഇവിടെ എഴുതുക: